തിരുവനന്തപുരം: മന്ത്രിസ്ഥാനം രാജി വെക്കാനിടയായ സാഹചര്യത്തെ കുറിച്ച് സജി ചെറിയാന്‍ നിയമ സഭയില്‍ ഇന്ന് പ്രത്യക പരാമര്‍ശം നടത്തും.
ചട്ടം 64 അനുസരിച്ചാണ് വ്യക്തിപരമായ പരാമര്‍ശം. ഭരണഘടനയെ അധിക്ഷേപിച്ചു നടത്തിയ മല്ലപ്പള്ളി പ്രസംഗത്തില്‍ സജി ചെറിയാന്‍ ഇതുവരെ ഖേദപ്രകടനം നടത്തിയിട്ടില്ല. പൊലീസ് അന്വേഷണം പുരോഗമിക്കുന്ന സാഹചര്യത്തില്‍ സജി ചെറിയാന്‍ ഇനി ഖേദം പ്രകടിപ്പിക്കുമോ എന്നാണ് അറിയേണ്ടത് . എം എം മണി , കെ കെ രമക്ക് എതിരെ നടത്തിയ പരാമര്‍ശവും മണിക്ക് എതിരായ കെ സുധാകരന്റെ അധിക്ഷേപവും ഭരണ പ്രതിപക്ഷങ്ങള്‍ ചര്‍ച്ചയില്‍ ഉന്നയിക്കും
ഇതിനിടെ സജി ചെറിയാന്റെ പ്രസംഗത്തിന്റെ പൂര്‍ണ വീഡിയോ കേസിലെ ഹര്‍ജിക്കാരനായ അഡ്വ.ബൈജു നോയല്‍ ഇന്ന് ഡിജിപിക്ക് കൈമാറും. പ്രസംഗത്തിന്റെ പൂര്‍ണരൂപം പെന്‍ഡ്രൈവിലാക്കിയാണ് കൈമാറുന്നത്. കേസില്‍ വീഡിയോ കിട്ടാനില്ലാത്തതിനാല്‍ അന്വേഷണം നടത്താനാകുന്നില്ലെന്നായിരുന്നു പൊലീസ് നിലപാട് .
