മുംബൈ: നേട്ടത്തില് ആരംഭിച്ച ഓഹരി വിപണി നഷ്ടത്തില് അവസാനിച്ചു. സെന്സെക്സ് 98 പോയിന്റ് അഥവാ 0.18 ശതമാനം ഇടിഞ്ഞ് 53,416ലും എന്എസ്ഇ നിഫ്റ്റി 50 സൂചിക 28 പോയിന്റ് അഥവാ 0.18 ശതമാനം ഇടിഞ്ഞ് 15,938 എന്ന നിലയിലുമാണ് വ്യാപാരം അവസാനിപ്പിച്ചത്. ബാങ്ക് നിഫ്റ്റി 0.51 ശതമാനം താഴ്ന്നു.
ബിഎസ്ഇയില് സണ് ഫാര്മ 2.55 ശതമാനം ഉയര്ന്നു. തൊട്ടുപിന്നില് ഡോ.റെഡ്ഡീസും കൊട്ടക് മഹീന്ദ്ര ബാങ്കുമാണ് നേട്ടം കൈവരിച്ചത്. ബാരുണ് ബിവറേജസ്, ഓയില് ഇന്ത്യ, കാനറ ബാങ്ക്, മൈന്ഡ്ട്രീ, ബിര്ലാസോഫ്റ്റ്, അജ്മേര റിയാലിറ്റി എന്നീ ഓഹരികള് നേട്ടത്തിലാണ്. ആക്സിസ് ബാങ്ക്, എച്ച്സിഎല് ടെക്, എസ്ബിഐ, ടെക് എം, ടിസിഎസ്, വിപ്രോ, ഇന്ഫോസിസ്, അള്ട്രാടെക് സിമന്റ് എന്നീ ഓഹരികള് നഷ്ടത്തില് വ്യാപാരം അവസാനിപ്പിച്ചു.
ബ്രെന്റ് ക്രൂഡ് ഓയില് വില മൂന്ന് മാസത്തെ ഏറ്റവും താഴ്ന്ന നിലയിലാണ് ഉള്ളത്. ബിഎസ്ഇ മിഡ്ക്യാപ്, സ്മോള് ക്യാപ് സൂചികകള് 0.56 ശതമാനം വരെ ഇടിഞ്ഞു. നിഫ്റ്റി പിഎസ്യു ബാങ്ക് സൂചിക 2 ശതമാനം ഇടിഞ്ഞപ്പോള് നിഫ്റ്റി ഐടി സൂചിക 1.4 ശതമാനം താഴ്ന്നു. നിഫ്റ്റി ഫാര്മ സൂചിക 0.78 ശതമാനം ഉയര്ന്നു.