ഇന്നു കാണുന്ന ആധുനികതയുടെയും വികസനത്തിന്റെയും മോടികളില് നിന്നും വെറുതേയൊന്ന് പുറത്തിറങ്ങിയാല് എളുപ്പത്തില് നമ്മുടെ ഇന്നലകളിലേക്ക് കടന്നുചെല്ലാം.
ജീവിതരീതികളും സംസ്കാരവും ആചാരങ്ങളുമൊന്നും അത്രയധികം വേഗത്തില് മാഞ്ഞുപോയിട്ടില്ലാത്തതിനാല് ഈ യാത്ര എളുപ്പമായിരിക്കുകയും ചെയ്യാം. എന്നാല് ഇന്നും ആ പഴമയില് പുരാതന ലോകത്തിന്റെ അതേ എടുപ്പോടെയും പ്രൗഢിയോടെയും ജീവിക്കുന്ന നഗരങ്ങളുണ്ടെന്ന് കേട്ടാലോ… അതിശയം തോന്നുക വളരെ സ്വാഭാവീകമാണ്. ശാസ്ത്രവും സാങ്കേതികതയുമെല്ലാം ഇത്രയും വളര്ന്ന ഒരു കാലത്ത് പഴമയില് ജീവിക്കുന്ന ഇന്ത്യയിലെ ചില നഗരങ്ങളെയും അവയുടെ പ്രത്യേകതകളെയും കുറിച്ച് വായിക്കാം…