ബലാല്സംഗക്കേസില് നടന് വിജയ് ബാബു വുമായി പൊലീസ് ഇന്നും തെളിവെടുപ്പ് നടത്തി.
പീഡനം നടന്നതായി പരാതിയില് പറയുന്ന മറൈന് ഡ്രൈവിലെ ഫ്ലാറ്റിലായിരുന്നു തെളിവെടുപ്പ്.ഇക്കഴിഞ്ഞ 27നായിരുന്നു സൗത്ത് പോലീസ് വിജയ് ബാബുവിന്്റെ അറസ്റ്റ് രേഖപ്പെടുത്തിയത്.
അന്ന് പനമ്ബിള്ളി നഗറിലെ ഫ്ലാറ്റിലും കടവന്ത്രയിലെ ഹോട്ടലിലും എത്തിച്ച് തെളിവെടുപ്പ് നടത്തിയിരുന്നു. തൊട്ടടുത്ത ദിവസം കുണ്ടന്നൂരിലെ ആഡംബര ഹോട്ടലിലും വിജയ് ബാബുവിനെ എത്തിച്ച് തെളിവെടുത്തിരുന്നു. ഇനിയും ഒന്നു രണ്ടിടത്തു കൂടി തെളിവെടുപ്പ് നടത്താനുണ്ടെന്ന് പോലീസ് അറിയിച്ചു. വിജയ് ബാബുവിന് മുന്കൂര് ജാമ്യം നല്കിയ ഹൈക്കോടതി, ജൂണ് 27 മുതല് ജൂലൈ 3 വരെ ചോദ്യം ചെയ്യലിന് ഹാജരാകാന് നിര്ദേശം നല്കിയിരുന്നു. രാവിലെ 9 മുതല് വൈകീട്ട് 6 വരെ നടക്കുന്ന ചോദ്യം ചെയ്യലിനിടെയാണ് തെളിവെടുപ്പ് ഉള്പ്പടെയുള്ള നടപടികള് പോലീസ് പൂര്ത്തിയാക്കിവരുന്നത്.