മുംബൈ: നാര്ക്കോട്ടിക്സ് കണ്ട്രോള് ബ്യൂറോ മുന് മുംബൈ സോണല് ഡയറക്ടര് സമീര് വാങ്കഡെയ്ക്ക് വധഭീഷണി.
ട്വിറ്ററിലൂടെയാണ് അദ്ദേഹത്തിന് വധഭീഷണി ലഭിച്ചത്. സംഭവത്തില് ഗൊറേഗാവ് പോലീസ് കേസെടുത്തതായാണ് റിപ്പോര്ട്ട്.
മഹാരാഷ്ട്ര മുന് മന്ത്രിയും എന്സിപി നേതാവുമായ നവാബ് മാലിക്കിനെതിരെ നല്കിയ പരാതിയെ തുടര്ന്നാണ് വാങ്കഡെയ്ക്ക് വധഭീഷണി ലഭിച്ചതെന്നാണ് റിപ്പോര്ട്ട്. ജാതിയുടെ പേരില് തന്നെ അപകീര്ത്തിപ്പെടുത്താന് ശ്രമിച്ചെന്നാരോപിച്ച് നവാബി മാലിക്കിനെതിരെ വാങ്കഡെ പരാതി നല്കിയിരുന്നു.