ഒറിഗോണ്: ലോക അത്ലറ്റിക്ക് ചാമ്പ്യന്ഷിപ്പില് ചരിത്രനേട്ടവുമായി മലയാളി താരം എല്ദോസ് പോള്. ലോക അത്ല്റ്റിക് ചാമ്പ്യഷിപ്പിലെ പുരുഷ വിഭാഗം ട്രിപ്പിള് ജംപില് ഫൈനലിലെത്തുന്ന ആദ്യ ഇന്ത്യന് താരമെന്ന നേട്ടമാണ് എല്ദോസ് പോള് സ്വന്തമാക്കിയത്.
യോഗ്യതാ റൗണ്ടില് 16.68 മീറ്റര് ദൂരം താണ്ടിയാണ് എല്ദോസ് പോള് ഫൈനലിലേക്ക് യോഗ്യത നേടിയത്. ആകെ മത്സരിച്ച താരങ്ങളില് പന്ത്രണ്ടാമനായാണ് എല്ദോസ് ഫൈനലിലേക്ക് യോഗ്യത ഉറപ്പിച്ചത്. ഏപ്രിലില് നടന്ന ഫെഡറേഷന് കപ്പില് താണ്ടിയ 16.99 മീറ്ററാണ് എല്ദോസിന്റെ ഏറ്റവും മികച്ച ദൂരം.
എല്ദോസിനൊപ്പം ട്രിപ്പിള് ജംപില് മത്സരിച്ച അബ്ദുള്ള അബൂബക്കറിനും പ്രവീണ് ചിത്രവേലിനും ഫൈനലിന് യോഗ്യത നേടാനായില്ല. ലോക അത്ലറ്റിക് ചാമ്പ്യന്ഷിപ്പ് ചരിത്രത്തിലെ ഏറ്റവും മികച്ച പ്രടനമാണ് ഇത്തവണ ഇന്ത്യ നടത്തിയത്. ജാവലിന് ഫൈനലിലെത്തിയ നീരജിനും രോഹിതിനും പുറമെ പുറമെ മലയാളി താരങ്ങളായ എല്ദോസ് പോള് ട്രിപ്പിള് ജംപിലും, ശ്രീശങ്കര് ലോങ് ജംപിലും ഫൈനലിലെത്തി. സ്റ്റീപ്പിള് ചേസില് അവിനാശ് സാബ്ലെയും വനിതാ ജാവലിനില് അന്നു റാണിയും ഫൈനലിലേക്ക് യോഗ്യത നേടിയിട്ടുണ്ട്.