പാലക്കാട്: അട്ടപ്പാടി മധു കൊലക്കേസില് വീണ്ടും കൂറുമാറ്റം. ഇരുപത്തിയൊന്നാം സാക്ഷി വീരന് ആണ് കൂറുമാറിയത്. ഇതോടെ കേസില് കൂറുമാറിയവരുടെ എണ്ണം പതിനൊന്നായി. ഇരുപതാം സാക്ഷി മരുതന് എന്ന മയ്യന് കഴിഞ്ഞ ദിവസം കൂറുമാറിയിരുന്നു. മുക്കാലിയിലുള്ള തേക്ക് പ്ലാന്റേഷനിലെ ജിവനക്കാരനാണ് മയ്യന്. സാക്ഷികള് തുടര്ച്ചയായി കൂറുമാറുന്നതിനാല് പ്രോസിക്യൂഷന് ആശങ്കയിലാണ്. രഹസ്യമൊഴി നല്കിയ ഏഴുപേര് കോടതിയില് മൊഴി മാറ്റിയിരുന്നു. അതിന് ശേഷം വിസ്തരിച്ച രണ്ടുപേരും പൊലീസിന് നല്കിയ മൊഴി കോടതിയില് തിരുത്തി. പതിനാറ് പ്രതികള്ക്കും ജാമ്യം കിട്ടിയതിനാല് സാക്ഷികളെ സ്വാധീനിക്കാന് അവസരം കിട്ടിയെന്നാണ് നിയമ വിദഗ്ധരുടെ വിലയിരുത്തല്.
.