തിരുവനന്തപുരം: എല്ഡിഎഫ് കണ്വീനര് ഇ.പി.ജയരാജനും സിപിഎം കേന്ദ്ര കമ്മിറ്റി അംഗം പി.കെ.ശ്രീമതിക്കുമെതിരെ ഹര്ജി. എകെജി സെന്റര് ആക്രമണവുമായി ബന്ധപ്പെട്ട് നടത്തിയ പരാമര്ശങ്ങളില് കേസെടുക്കണമെന്നാണ് ആവശ്യം.
പൊതുപ്രവര്ത്തകനായ പായ്ച്ചിറ നവാസാണ് ഇരുവര്ക്കുമെതിരെ കോടതിയില് ഹര്ജി നല്കിയത്. കലാപാഹ്വാനം, ഗൂഢാലോചന എന്നീ വകുപ്പുകള് ചുമത്തി ഇരുവര്ക്കുമെതിരെ കേസെടുക്കാന് നിര്ദേശം നല്കണമെന്ന ഹര്ജി തിരുവനന്തപുരം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി മൂന്നിലാണ് നല്കിയത്. തിങ്കളാഴ്ച ഹര്ജിയിന്മേല് കോടതി വാദം കേള്ക്കും.