ന്യൂഡല്ഹി: 2020 ലെ ദേശീയ ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച നടിയായി അപര്ണ ബാലമുരളിയും മികച്ച നടനായി സൂര്യയും അജയ് ദേവ്ഗണും തെരഞ്ഞെടുക്കപ്പെട്ടു. ‘സൂരരൈപോട്ര്’ എന്ന ചിത്രത്തിലെ അഭിനയത്തിനാണ് അപര്ണയും സൂര്യയും പുരസ്കാരത്തിന് അര്ഹരായത്.
‘അയ്യപ്പനും കോശി’യും എന്ന ചിത്രത്തിലൂടെ സച്ചി മികച്ച സംവിധായകനായി. ചിത്രത്തിലെ ഗാനം ആലപിച്ച നഞ്ചമ്മയും ദേശിയ പുരസ്കാരം നേടി. മികച്ച സഹനടനായി ബിജു മേനോന് തെരഞ്ഞെടുക്കപ്പെട്ടു. ‘സുരരൈപോട്ര്’ ആണ് മികച്ച സിനിമ. മികച്ച മലയാള സിനിമയ്ക്കുള്ള പുരസ്കാരം ‘തിങ്കളാഴ്ച നിശ്ചയ’ത്തിനു ലഭിച്ചു. മികച്ച സംഘട്ടനസംവിധാനത്തിന് മാഫിയ ശശി(അയ്യപ്പനും കോശി) പുരസ്കാരം നേടി.
മികച്ച സംഗീത സംവിധായകനുള്ള അവാര്ഡ് ‘സൂരരൈ പോട്രി’ലൂടെ ജി വി പ്രകാശ് കുമാര് നേടി. സെന്ന ഹെഗ്ഡെ സംവിധാനം ചെയ്ത ‘തിങ്കളാഴ്ച നിശ്ചയ’മാണ് മികച്ച മലയാള സിനിമ. മലയാള ചലച്ചിത്രം ‘വാങ്കി’ന് പ്രത്യേക പരാമര്ശവും ലഭിച്ചു. മികച്ച ചലച്ചിത്ര ഗ്രന്ഥം: എം.ടി അനുഭവങ്ങളുടെ പുസ്തകം, രചയിതാവ്: അനൂപ് രാമകൃഷ്ണന്. വിദ്യാഭ്യാസ ചിത്രം: ഡ്രീമിങ് ഓഫ് വേര്ഡ്സ് (മലയാളം). മികച്ച വിവരണം: ശോഭ തരൂര് ശ്രീനിവാസന്.