ന്യൂഡല്ഹി: പതിനാറാമത് രാഷ്ട്രപതി തെരഞ്ഞടുപ്പ് ജൂലൈ 18ന്. മുഖ്യതെരഞ്ഞെടുപ്പ കമ്മീഷണര് രാജീവ് കുമാറാണ് തീയതി പ്രഖ്യാപിച്ചത്.
നിലവിലെ രാഷ്ട്രപതി രാംനാഥ് കോവിന്ദിന്റെ കാലാവധി ജൂലൈ 24ന് അവസാനിക്കുന്ന സാഹചര്യത്തിലാണ് തെരഞ്ഞെടുപ്പ്.
ജൂണ് 15ന് തെരഞ്ഞെടുപ്പ് വിജ്ഞാപനം പുറത്തിറങ്ങും. ജൂണ് 29 വരെ നാമനിര്ദേശ പത്രിക സമര്പ്പിക്കാം. ജൂലൈ 21നാണ് വോട്ടെണ്ണല്.
രാജ്യസഭാ സെക്രട്ടറി ജനറലാണ് തെരഞ്ഞെടുപ്പിന്റെ വരണാധികാരി. 4,033 എംഎല്എ മാര് ഉള്പ്പടെ ആകെ 4,809 വോട്ടാണ് ഉളളത്. എംഎല്എമാരുടെ വോട്ട് മൂല്യം 5,43,231 ആണ്. എംപിമാരുടെ വോട്ട് മൂല്യം 5,43,200. 10,86,431 ആകെ വോട്ട് മൂല്യം. തെരഞ്ഞെടുപ്പ് കമ്മീഷന് നല്കുന്ന പേന ഉപയോഗിച്ചില്ലെങ്കില് വോട്ട് അസാധുവാകുമെന്ന് കമ്മീഷണര് വാര്ത്താസമ്മേളനത്തില് പറഞ്ഞു.