പത്തനംതിട്ട; കനത്തമഴയില് അച്ചന്കോവിലാര് അടക്കമുള്ള നദികളില് ജലനിരപ്പ് ഉയരുകയാണ്. അച്ചന്കോവിലാറില് രണ്ടടിയെങ്കിലും ജലം ഉയര്ന്നിട്ടുണ്ടെന്നാണ് സൂചന.
നദിയിലേക്ക് വലിയ ഒഴുക്കാണുള്ളത്. വെള്ളം കലങ്ങിമറിഞ്ഞ് ഒഴുകുന്നതിനാല് ഉരുള്പൊട്ടല് ഉണ്ടായിട്ടുണ്ടെന്നാണ് നിഗമനം. കിഴക്കന് മേഖലകളിലുണ്ടാവുന്ന മഴ ഏറ്റവും ആദ്യം ബാധിക്കുന്നത് അച്ചന്കോവിലാറിനെയാണ്.
സംസ്ഥാനത്ത് വരും മണിക്കൂറുകളില് അതിതീവ്രമഴയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിരിക്കുകയാണ്. ഇന്നലെ മുതല് നിര്ത്താതെ പെയ്ത മഴയില് വ്യാപക നാശനഷ്ടമുണ്ടായി. കോട്ടയം, പത്തനംതിട്ട, കൊല്ലം ജില്ലകളില് മണ്ണിടിച്ചിലും ഉരുള്പൊട്ടലും ഉണ്ടായി. ഇന്ന് ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു.