തിരുവനന്തപുരത്ത് കെഎസ്ആര്ടിസിയുടെ സിറ്റി സര്ക്കുലര് ഇലക്ട്രിക് ബസ് സര്വീസിന് എതിരെ സിഐടിയു. ബസ് തടഞ്ഞുകൊണ്ടാണ് പ്രതിഷേധം. തിരുവനന്തപുരം സിറ്റി ഡിപ്പോയിലാണ് ബസ് തടയുന്നത്. ബസ് എടുക്കാന് വന്ന ഡ്രൈവറെയും തടഞ്ഞു. സിറ്റി സര്ക്കുലര് സര്വീസിനായി സ്വിഫ്റ്റിന് കീഴില് ബസ് സര്വീസ് നടത്തുന്നതിനെ എതിര്ത്ത് തൊഴിലാളി യൂണിയനുകള് നേരത്തെ രംഗത്തുവന്നിരുന്നു. ഇന്ന് ഗതാഗത മന്ത്രി ആന്റണി രാജു ഉദ്ഘാടനം ചെയ്യുന്ന സിറ്റി സര്ക്കുലര് ഇലക്ട്രിക് ബസ് സര്വീസ് തടയുമെന്നും സിഐടിയു അറിയിച്ചിരുന്നു. കെഎസ്ആര്ടിസി എം.ഡിയുമായി നടത്തിയ ചര്ച്ച പരാജയപ്പെട്ടതിനെ തുടര്ന്നാണ് യൂണിയനുകള് പ്രതിഷേധവുമായി രംഗത്തെത്തിയത്.
പ്രശ്നങ്ങള് പരിഹരിക്കാന് വേണ്ടി നടത്തിയ ചര്ച്ച പ്രഹസനമായിരുന്നുവെന്നും സിഐടിയു ആരോപിച്ചു. ജീവനക്കാര്ക്ക് ശമ്പളം നല്കാതെ പരിഷ്കരണം വേണ്ടയെന്നാണ് യൂണിയനുകളുടെ പ്രതികരണം. ഹ്രസ്വദൂര സര്വീസുകളിലേക്കുള്ള സ്വിഫ്റ്റ് കമ്പനിയുടെ കടന്നുകയറ്റം അംഗീകരിക്കില്ലെന്നും പറയുന്നു.