തിരുവനന്തപുരം: വി.സി നിയമനത്തില് ഗവര്ണറുടെ അധികാരം കുറയ്ക്കാനുള്ള ബില്ലിന് മന്ത്രിസഭായോഗം അംഗീകാരം നല്കി.
വി.സി നിയമന സമിതിയുടെ ഘടന മാറ്റാനുള്ള ബില് നിയമസഭാ സമ്മേളനത്തില് അവതരിപ്പിക്കും. ഗവര്ണറുടെ പ്രതിനിധിയെ സര്ക്കാര് നാമനിര്ദ്ദേശം ചെയ്യുന്ന വിധത്തില് ഗവര്ണറുടെ അധികാരങ്ങള് പരിമിതപ്പെടുത്താനുള്ള ബില്ലിനാണ് മന്ത്രിസഭ അംഗീകാരം നല്കിയത്. സെര്ച്ച് കമ്മിറ്റി അംഗങ്ങളുടെ എണ്ണം അഞ്ചായി ഉയര്ത്തും.
ഗവര്ണറുടെ അധികാരങ്ങള് കുറയ്ക്കുന്നതിനുള്ള ബില് സംസ്ഥാന സര്ക്കാര് നേരത്തെ നിയമവകുപ്പിന്റെ പരിഗണനയ്ക്ക് അയച്ചിരുന്നു. സര്വകലാശാലകളില് വൈസ് ചാന്സലര്മാരെ നിയമിക്കുന്നതുമായി ബന്ധപ്പെട്ട് ഗവര്ണറുടെ അധികാരം പരിമിതപ്പെടുത്തുന്ന ബില്ലിനാണ് നിലവില് മന്ത്രിസഭയുടെ അംഗീകാരം ലഭിച്ചിരിക്കുന്നത്. ഈ മാസം 22ന് ചേരുന്ന നിയമസഭാ സമ്മേളനത്തില് ബില് നിയമസഭയില് അവതരിപ്പിക്കും.
നിലവില് മൂന്നംഗ സെര്ച്ച് കമ്മിറ്റിയാണ് വൈസ് ചാന്സലറെ തിരഞ്ഞെടുക്കുന്നത്. ഗവര്ണറുടെ പ്രതിനിധി, യുജിസിയുടെ പ്രതിനിധി, സര്വകലാശാലയുടെ പ്രതിനിധി എന്നിവര് ഇതില് ഉള്പ്പെടുന്നു. ഇതില് ഗവര്ണറുടെ പ്രതിനിധിയെ ഗവര്ണര് തന്നെ നിശ്ചയിക്കുന്ന രീതിയാണ് നിലവിലുള്ളത്. ഇതിന് വിപരീതമായി ഗവര്ണറുടെ പ്രതിനിധിയെ സര്ക്കാര് നാമനിര്ദ്ദേശം ചെയ്യുന്ന രീതിയില് ഭേദഗതി വരുത്താനാണ് സര്ക്കാര് നീക്കം.