ദിസ്പൂര്‍: ജില്ലയില്‍ ഭീകരര്‍ എന്ന് സംശയിക്കുന്ന രണ്ട് പേര്‍ അറസ്റ്റില്‍. അറസ്റ്റിലായവര്‍ക്ക് ബംഗ്ലാദേശ് ഭീകരവാദി സംഘടന അന്‍സറുള്ള ബംഗ്ലയുമായി ബന്ധമെന്ന് സൂചന.
അസമിലെ മദ്രസകള്‍ കേന്ദ്രീകരിച്ച്‌ ഭീകര പ്രവര്‍ത്തനങ്ങള്‍ നടക്കുന്നുണ്ടെന്ന വിവരം ലഭിച്ചിരുന്നു. തുടര്‍ന്ന് നടത്തിയ നടത്തിയ വ്യാപക പരിശോധനയിലാണ് ഭീകരര്‍ പിടിയിലായത്.
അബ്ദുള്‍ സുബ്ഹാന്‍(43), ജലാലുദ്ദീന്‍ ഷെയ്ഖ് (49), ഇയാളുടെ മരുമകന്‍ സഹോദരന്‍ എന്നിവരെയാണ് കസ്റ്റഡിയില്‍ എടുത്തത്. ടിങ്കുനിയ ശാന്തിപൂര്‍ മസ്ജിദിലെ ഇമാമാണ് അബ്ദുള്‍ സുബ്ഹാന്‍. ജലാലുദ്ദീന്‍ ഷെയ്ഖ തിലപ്പാറ നാത്തുന്‍ മസ്ജിദിലെ ഇമാമായിരുന്നു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
പോലീസ് നടത്തിയ ചോദ്യം ചെയ്യലില്‍ ഞെട്ടിക്കുന്ന വെളിപ്പെടുത്തലുകളാണ് ഇവര്‍ നടത്തിയത്. 2019 ഡിസംബറില്‍ മാട്ടിയ പോലീസ് സ്‌റ്റേഷന്‍ പരിധിയില്‍ സുന്ദര്‍പൂര്‍ തിലപാറ മദ്രസയില്‍ വെച്ച്‌ ഒരു മതസമ്മേളനം സംഘടിപ്പിച്ചതായി പ്രതികള്‍ വെളിപ്പെടുത്തി. അതില്‍ ഭീകര സംഘടനകളുമായി ബന്ധമുള്ള ബംഗ്ലാദേശി പൗരന്മാരായിരുന്നു മുഖ്യാതിഥികള്‍. ബംഗ്ലാദേശില്‍ നിന്ന് അനധികൃതമായി രാജ്യത്തെത്തുന്നവര്‍ക്ക് സൗകര്യങ്ങള്‍ ഒരുക്കിക്കൊടുക്കുന്നതും ഇവര്‍ തന്നെയാണ്. അല്‍ ഖ്വായ്ദയുമായി ബന്ധമുണ്ടെന്ന് സമ്മതിച്ച പ്രതികള്‍ തങ്ങള്‍ സ്ലീപ്പര്‍ സെല്ലുകളാണെന്നും വെളിപ്പെടുത്തി.
