ന്യൂഡല്‍ഹി: വിവിധ ഹൈക്കോടതികളില്‍ നിന്നുള്ള അഞ്ച് ജഡ്ജിമാരെ സുപ്രിംകോടതി ജഡ്ജിമാരാക്കാന്‍ ശുപാര്‍ശ ചെയ്ത് കൊളജീയം.
രാജസ്ഥാന്‍ ഹൈക്കോടതി ചീഫ് ജസ്റ്റിസ് പങ്കജ് മിത്തല്‍, പാറ്റ്ന ഹൈക്കോടതി ചീഫ് ജസ്റ്റിസ് സഞ്ജയ് കരോള്‍, മണിപ്പൂര്‍ ഹൈക്കോടതി ചീഫ് ജസ്റ്റിസ് പി വി സഞ്ജയ് കുമാര്‍, പാറ്റ്ന ഹൈക്കോടതി ജഡ്ജി എ അമാനുള്ള, അലഹബാദ് ഹൈക്കോടതി ജഡ്ജി മനോജ് മിശ്ര എന്നിവരെ സുപ്രിം കോടതി ജഡ്ജിമാരാക്കാനാണ് കൊളീഡിയം ശുപാര്‍ശ ചെയ്തിരിക്കുന്നത്. നിലവില്‍ സുപ്രീം കോടതിയില്‍ ആറ് ഒഴിവുകളാണുള്ളത്.
ഇന്നലെ ചേര്‍ന്ന സുപ്രീം കോടതി കൊളീജിയം യോഗത്തിലാണ് ഈ പേരുകള്‍ ശുപാര്‍ശ ചെയ്തത്. ഈ പേരുകള്‍ കേന്ദ്രസര്‍ക്കാര്‍ അംഗീകരിച്ചാല്‍ സുപ്രീം കോടതിയില്‍ 33 ജഡ്ജിമാരുണ്ടാകും.
LAC Clash: കേന്ദ്രത്തില്‍ മോദി സര്‍ക്കാര്‍ ഉള്ളിടത്തോളം കാലം ഒരിഞ്ച് ഭൂമി പോലും ആര്‍ക്കും പിടിച്ചെടുക്കാന്‍ കഴിയില്ല, അമിത് ഷാ
New Delhi: കേന്ദ്രത്തില്‍ പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ BJP സര്‍ക്കാര്‍ ഉള്ളിടത്തോളം കാലം ഇന്ത്യയുടെ ഒരിഞ്ച് ഭൂമി പോലും ആര്‍ക്കും പിടിച്ചെടുക്കാന്‍ കഴിയില്ലെന്ന് കേന്ദ്ര ആഭ്യന്തര മന്ത്രി അമിത് ഷാ. ഇന്ത്യ ചൈന അതിര്‍ത്തിയില്‍ ഉണ്ടായ സംഘര്‍ഷത്തെക്കുറിച്ച്‌ പരാമര്‍ശിക്കവേ ആണ് ആദ്ദേഹം ഇപ്രകാരം അഭിപ്രായപ്പെട്ടത്.
രാജീവ് ഗാന്ധി ഫൗണ്ടേഷന്‍റെ എഫ്‌സിആര്‍എ (Foreign Contribution Regulation Act – FCRA) രജിസ്ട്രേഷന് റദ്ദാക്കുന്നത് സംബന്ധിച്ച ചോദ്യങ്ങള്‍ ഒഴിവാക്കാനാണ് കോണ്‍ഗ്രസ് അതിര്‍ത്തി പ്രശ്‌നം സഭയില്‍ ഉന്നയിച്ചത് എന്ന് അമിത് ഷാ മാധ്യമ പ്രവര്‍ത്തകരോട് പറഞ്ഞു. രാജീവ് ഗാന്ധി ഫൗണ്ടേഷന് ചൈനീസ് എംബസിയില്‍ നിന്ന് 1.35 കോടി രൂപ ഗ്രാന്‍റ് ലഭിച്ചിട്ടുണ്ടെന്നും അത് എഫ്‌സിആര്‍എ നിയമത്തിനും അതിന്‍റെ മാനദണ്ഡങ്ങള്‍ക്കും അനുസരിച്ചല്ലെന്നും അതിനാല്‍ അതിന്‍റെ രജിസ്ട്രേഷന് റദ്ദാക്കിയെന്നും അദ്ദേഹം പറഞ്ഞു.
