ഡല്ഹി: സംസ്ഥാനങ്ങളുടെ വയ്പ്പാ പരിധിക്ക് മേല് നിയന്ത്രണം ഏര്പ്പെടുത്തുനുള്ള തീരുമാനത്തില് കേന്ദ്രം പുനപരിശോധന നടത്തില്ല. പതിനഞ്ചാം ധനകാര്യ കമ്മീഷന് ശുപാര്ശകള് സമയബന്ധിതമായി നടപ്പാക്കാന് തീരുമാനിച്ച പശ്ചാത്തലത്തിലാണിത്. സംസ്ഥാനങ്ങളുടെ ധനക്കമ്മി മൂന്ന് ശതമാനമായി നിജപ്പെടുത്തണമെന്നതാണ് 15ാം ധനകമ്മീഷന്റെ പ്രധാന നിര്ദ്ദേശം.
അര്ഹതപ്പെട്ട പദ്ധതി വിഹിതം സംസ്ഥാനങ്ങള്ക്ക് വേട്ടിച്ചുരുക്കുന്നു എന്നതാണ് കേരളം ഉള്പ്പെടെയുള്ള സംസ്ഥാനങ്ങള് ഉന്നയിക്കുന്ന പരാതി. ബഡ്ജറ്റ് നിബന്ധനകളെ മറികടന്ന് കടമെടുക്കാനുള്ള സംസ്ഥാനങ്ങളുടെ ശ്രമത്തെ ആണ് തങ്ങള് എതിര്ക്കുന്നതെന്നാണ് കേന്ദ്രസര്ക്കാരിന്റെ ഇക്കാര്യത്തിലെ വിശദീകരണം. ബഡ്ജറ്റിന് പുറത്തുള്ള സംവിധാനങ്ങള് വഴി കൈപ്പറ്റുന്ന വായ്പകളുടെ ബാധ്യതയും സംസ്ഥാനത്തിന്റെ കണക്കില് തന്നെ കൂട്ടാനെ സാധിക്കുമെന്നാണ് കേന്ദ്രത്തിന്റെ നിലപാട്. സംസ്ഥാനങ്ങളുടെ ധന കമ്മി ഇപ്പോള് തന്നെ 3% ആയി നിജപ്പെടുത്താന് സാധിക്കാത്ത സാഹചര്യമാണുള്ളത്. അതുകൊണ്ടുതന്നെ വ്യവസ്ഥാ വിരുദ്ധമായി കടമെടുപ്പ് പരിധി ഉയര്ത്തുന്നതിനെക്കുറിച്ച് ഇനി ആലോചിക്കാനാകില്ലെന്ന് കേന്ദ്രം വ്യക്തമാക്കുന്നു