മുന് ഇന്ത്യന് ഫുട്ബാള് പരിശീലകന് സ്റ്റീഫന് കോണ്സ്റ്റന്റൈന് തെറ്റായ ഇന്ത്യയുടെ ഭൂപടം ട്വിറ്ററില് പോസ്റ്റ് ചെയ്തു.
അബദ്ധം മനസ്സിലാക്കിയ അദ്ദേഹം ഉടന് തന്നെ പോസ്റ്റ് പിന്വലിച്ച് മാപ്പു പറഞ്ഞു.
ഇന്ത്യയുടെ 76ാം സ്വാതന്ത്യദിനാഘോഷത്തില് രാജ്യത്തെ ജനങ്ങള്ക്ക് ആശംസ നേരുന്ന സന്ദേശത്തൊടൊപ്പം കോണ്സ്റ്റന്റൈന് ട്വിറ്ററില് ഇന്ത്യയുടെ ഭൂപടവും പോസ്റ്റ് ചെയ്തിരുന്നു. എന്നാല് അദ്ദേഹം ഉപയോഗിച്ച ഭൂപടത്തില് പാക് അധീന കശ്മീരിന്റെ പ്രദേശം ഒഴിവാക്കിയിരുന്നു. ട്വീറ്റിനു താഴെ നിരവധി ആരാധകര് തെറ്റ് ചൂണ്ടിക്കാട്ടി രംഗത്തുവന്നു. പിന്നാലെയാണ് അബദ്ധം മനസ്സിലാക്കി കോണ്സ്റ്റന്റൈന് ട്വീറ്റ് പിന്വലിച്ചത്.
ക്ഷമാപണം നടത്തുന്ന മാറ്റൊരു ട്വീറ്റും ഉടന് തന്നെ പോസ്റ്റ് ചെയ്തു. ‘മുമ്ബ് ഉപയോഗിച്ച തെറ്റായ ഭൂപടത്തില് ക്ഷമാപണം….ലോകമെമ്ബാടുമുള്ള ഇന്ത്യക്കാര്ക്ക് സ്വാതന്ത്ര്യദിനാശംസകള്’ -എന്നായിരുന്നു രണ്ടാമത്തെ ട്വീറ്റ്. ഐ.എസ്.എല് ക്ലബ് ഈസ്റ്റ് ബംഗാളിന്റെ പരിശീലകനായി അടുത്തിടെ കോണ്സ്റ്റന്റൈനെ നിയമിച്ചിരുന്നു.