തൊടുപുഴ: ഇടുക്കി അണക്കെട്ട് തുറന്നതില് ആശങ്ക വേണ്ടെന്ന് മന്ത്രി റോഷി അഗസ്റ്റിന്. പെരിയാറിന്റെ കരയിലുള്ളവര് ആശങ്കപ്പെടേണ്ടതില്ലെന്നും എന്നാല്, കനത്ത ജാഗ്രതാ പാലിക്കണം.
ആവശ്യമെങ്കിള് മാത്രം കൂടുതല് വെള്ളം തുറന്നുവിടുമെന്നും മന്ത്രി അറിയിച്ചു.
എറണാകുളത്തെ സാഹചര്യം കൂടി കണക്കിലെടുത്താകും ഈ കാര്യത്തില് തുടര്നടപടി സ്വീകരിക്കുക. മുല്ലപ്പെരിയാല് അണക്കെട്ടിലേക്ക് നീരൊഴുക്ക് കൂടിയിട്ടുണ്ട്. പെരിയാറില് വാണിങ് ലെവലിന് താഴെയാണ് നിലവില് ജലനിരപ്പ്. അതിനാല് അണക്കെട്ട് തുറന്നാലും അപകടസാധ്യതയില്ലെന്നാണ് വിലയിരുത്തല്.
ഇടമലയാര് അണക്കെട്ട് ഉടനെ തുറക്കില്ല. ഇവിടെ നിന്നും കൂടുതല് വെള്ളം കൊണ്ടു പോകാന് തമിഴ്നാടിനോട് ആവശ്യപ്പെട്ടിട്ടുണ്ടെന്നും മന്ത്രി റോഷി അഗസ്റ്റിന് അറിയിച്ചു.