മുംബൈ: മഹാരാഷ്ട്രയില് മുഖ്യമന്ത്രിപദം ഏക്നാഥ് ഷിന്ഡെക്ക് നല്കിയതില് പ്രതികരണവുമായി ബി.ജെ.പി നേതാവും ഉപമുഖ്യമന്ത്രിയുമായ ദേവേന്ദ്ര ഫഡ്നാവിസ്.
താനൊന്ന് അപേക്ഷിച്ചിരുന്നുവെങ്കില് മുഖ്യമന്ത്രി പദത്തില് എത്താന് സാധിക്കുമായിരുന്നുവെന്ന് ഫഡ്നാവിസ് പറഞ്ഞു.
മുതിര്ന്ന ബി.ജെ.പി നേതാക്കളുടെ നിര്ദേശപ്രകാരമാണ് ഉപമുഖ്യമന്ത്രിപദം സ്വീകരിച്ചത്. പ്രത്യയശാസ്ത്രത്തിന് വേണ്ടിയാണ് ഞങ്ങള് ഏക്നാഥ് ഷിന്ഡെയെ മുഖ്യമന്ത്രിയാക്കിയത്. അത് തന്റെ നിര്ദേശമായിരുന്നു. താനില്ലെങ്കില് സര്ക്കാറിന്റെ പ്രവര്ത്തനം കാര്യക്ഷമമാവില്ലെന്ന് പറഞ്ഞതിനാലാണ് ഉപമുഖ്യമന്ത്രിപദം സ്വീകരിച്ചതെന്നും അദ്ദേഹം വ്യക്തമാക്കി.
മഹാരാഷ്ട്രയില് മഹാ വികാസ് അഘാഡി സര്ക്കാറിനെ വീഴ്ത്തിയാണ് ബി.ജെ.പിയും ശിവസേന വിമതന്മാരും ചേര്ന്ന് അധികാരം പിടിച്ചത്. ഏക്നാഥ് ഷിന്ഡെയുടെ നേതൃത്വത്തില് 40ഓളം എം.എല്.എമാര് കൂറുമാറിയതോടെയാണ് മഹാ വികാസ് അഘാഡി അധികാരത്തില് നിന്നും പുറത്തായത്.