കൊച്ചി: കാസര്കോട് ജില്ലയില്നിന്നൊഴികെയുള്ള ജില്ലകളില്നിന്ന് ബാറുടമകള് അടയ്ക്കാനുള്ള നികുതികുടിശ്ശിക 127.79 കോടിരൂപ.
ബിവറേജസ് കോര്പ്പറേഷനും മദ്യം വിറ്റ വകയില് നികുതികുടിശ്ശിക സര്ക്കാരിലേക്ക് അടയ്ക്കാനുണ്ട്. 293.51 കോടിരൂപവരും അത്. ‘പ്രോപ്പര് ചാനല്’ സംഘടനയുടെ പ്രസിഡന്റ് എം.കെ. ഹരിദാസിനു ലഭിച്ച വിവരാവകാശ മറുപടിയിലാണ് ഇക്കാര്യം വ്യക്തമാകുന്നത്.
2016 ഏപ്രില്മുതല് 2022 ജനുവരിവരെയുള്ള കണക്ക് പ്രകാരമാണ് ബാറുടമകള് 127.79 കോടിരൂപ നികുതികുടിശ്ശിക നല്കാനുള്ളത്. 53.13 കോടിരൂപ കുടിശ്ശിക വരുത്തിയ കൊല്ലം ജില്ലയിലെ ബാറുടമകളാണ് മുന്നില്. 18.71 കോടിരൂപ കുടിശ്ശികയുള്ള എറണാകുളം ജില്ലയാണ് രണ്ടാംസ്ഥാനത്ത്. 27.35 ലക്ഷംരൂപ കുടിശ്ശിക വരുത്തിയ വയനാട് ജില്ലയാണ് ഏറ്റവും താഴെയുള്ളത്. ചില കോടതി വ്യവഹാരങ്ങള് ഒഴിച്ച് നികുതികുടിശ്ശിക പിരിച്ചെടുക്കുന്നതില് മറ്റ് തടസ്സങ്ങളില്ലെന്നും മറുപടിയില് പറയുന്നു.
ഓരോ ജില്ലയിലെയും ബാറുകളുടെ നികുതികുടിശ്ശിക (തുക കോടിയില്)
തിരുവനന്തപുരം 2.03
കൊല്ലം 53.13
പത്തനംതിട്ട 1.03
ഇടുക്കി 2.49
കോട്ടയം 1.64
ആലപ്പുഴ 16.36
എറണാകുളം 18.71
തൃശ്ശൂര് 11.31
പാലക്കാട് 3.01
മലപ്പുറം 4.00
കോഴിക്കോട് 6.68
കണ്ണൂര് 5.01
വയനാട് 27 ലക്ഷം
(കാസര്കോട്- വിവരം നല്കിയില്ല. അപ്പീല് നല്കിയിരിക്കുകയാണ്)