ജയ്പൂര്: രാജസ്ഥാനില് വീണ്ടും പ്രതിസന്ധി. സര്ക്കാരിനെ അട്ടിമറിക്കാന് ശ്രമിച്ചവരെ മുഖ്യമന്ത്രി സ്ഥാനത്തേക്ക് പരിഗണിക്കരുതെന്ന് ഗെഹ്ലോട്ട് പക്ഷം.
മുഖ്യമന്ത്രിയെ നിശ്ചയിക്കുമ്ബോള് ഗെഹലോട്ടിന്റെ അഭിപ്രായം പരിഗണിക്കണം. രണ്ട് വര്ഷം മുമ്ബ് പാര്ട്ടി അച്ചടക്കം ലംഘിച്ചയാളാണ് സച്ചിനെന്നും ഗെഹലോട്ട് പക്ഷം ആരോപിച്ചു.അശോക് ഗെഹ്ലോട്ട് കോണ്ഗ്രസ് അധ്യക്ഷസ്ഥാനത്തേക്ക് മത്സരിക്കുന്ന സാഹചര്യത്തിലാണ് രാജസ്ഥാനില് പുതിയ മുഖ്യമന്ത്രിയെ തിരഞ്ഞെടുക്കുന്നത്. വൈകീട്ട് ഏഴ് മണിക്ക് കോണ്ഗ്രസ് നിയമസഭാ കക്ഷി യോഗം ചേരും. ഹൈക്കമാന്ഡ് നിരീക്ഷകരായി മല്ലികാര്ജുന് ഖാര്ഗെ, അജയ് മാക്കന് എന്നിവര് യോഗത്തില് പങ്കെടുക്കും.
അതേസമയം, സച്ചിന് പൈലറ്റ് മുഖ്യമന്ത്രിയാകുമെന്നാണ് സൂചനകള്. ഹൈക്കമാന്ഡ് പിന്തുണ സച്ചിന് പൈലറ്റിനാണ്. സച്ചിനെ മുഖ്യമന്ത്രിയാക്കരുതെന്ന നിലപാടിലാണ് അശോക് ഗെഹ്ലോട്ട്. തന്റെ വിശ്വസ്തനായ സി.പി ജോഷി അടക്കമുള്ളവരുടെ പേരാണ് അദ്ദേഹം മുന്നോട്ടുവെക്കുന്നത്.എന്നാല്, ഇത് ഹൈക്കമാന്ഡ് പരിഗണിച്ചിട്ടില്ലെന്നാണ് വിവരം. അതിനിടെ അശോക് ഗെഹ്ലോട്ടുമായി ബന്ധമുള്ള എംഎല്എമാരുമായി സച്ചിന് ഇന്ന് കൂടിക്കാഴ്ച നടത്തിയിട്ടുണ്ട്.