കാഞ്ഞങ്ങാട്: 12-വയസ്സുകാരനായ ആണ്കുട്ടിയെ പ്രകൃതിവിരുദ്ധ പീഡനത്തിനിരയാക്കിയ വോളിബോള് കോച്ചിന് 36 വര്ഷം തടവിനും ഒരുലക്ഷം രൂപ പിഴശിക്ഷ വിധിച്ചു നകോടതി.
പരിയാരം സ്വദേശി പി.വി. ബാലനെ (68) ആണ് വിവിധ വകുപ്പുകളിലായി ഹൊസ്ദുഗ് ഫാസ്റ്റ് ട്രാക്ക് പ്രത്യേക കോടതി ജഡ്ജി സി. സുരേഷ് കുമാര് ശിക്ഷിച്ചത്.
പിഴ അടച്ചില്ലെങ്കില് പ്രതി പതിനൊന്നുമാസം അധികതടവുമനുഭവിക്കണം. പ്രകൃതിവിരുദ്ധ പീഡനത്തിന് 10 വര്ഷം കഠിനതടവും 30,000 രൂപ പിഴയും, പിഴ അടച്ചില്ലെങ്കില് മൂന്നുമാസം അധികതടവും പോക്സോ നിയമത്തിലെ രണ്ട് വകുപ്പുകള് പ്രകാരം 26 വര്ഷം കഠിനതടവും 70,000 രൂപ പിഴയും, പിഴ അടച്ചില്ലെങ്കില് എട്ടുമാസം അധികതടവുമാണ് ശിക്ഷ.
ശിക്ഷ ഒന്നിച്ചനുഭവിച്ചാല് മതിഎന്നും കോടതി വിധിയില് വ്യക്തമാക്കി. 2018 ഡിസംബറിലാണ് കേസിനാസ്പദമായ സംഭവം നടന്നത്.വോളിബോള് കോച്ചായ പ്രതി സംസ്ഥാന യൂത്ത് വോളിബോള് ചാമ്ബ്യന്ഷിപ്പ് മത്സരം കാണിക്കാനായി 12 വയസ്സുകാരനെ കൊണ്ടുപോയി ചെറുപുഴയിലെ ലോഡ്ജില്വെച്ച് പീഡിപ്പിച്ചുവെന്നാണ് കേസ്.അന്നത്തെ ചിറ്റാരിക്കല് എസ്.ഐ.യും നിലവില് ഇന്സ്പെക്ടറുമായ രഞ്ജിത്ത് രവീന്ദ്രനാണ് കേസിന്റെ പ്രാഥമികാന്വേഷണം നടത്തിയത് . എസ്.ഐ. ഉമേശനാണ് തുടരന്വേഷണം നടത്തിയത്.
കെ.പി. വിനോദ് കുമാറാണ് അന്വേഷണം പൂര്ത്തിയാക്കി കോടതിയില് കുറ്റപത്രം സമര്പ്പിച്ചത്. ഹൊസ്ദുര്ഗ് ഫാസ്റ്റ് ട്രാക്ക് പ്രത്യേക കോടതിയിലെ സ്പെഷ്യല് പബ്ലിക് പ്രോസിക്യൂട്ടര് പി. ബിന്ദു പരാതിക്കാരനുവേണ്ടി ഹാജരായി.