ജിയോ- എയര്ടെല് 5ജി യുദ്ധം ഉപയോക്താക്കളുടെ വീടുകളിലേക്കും വ്യാപിക്കുന്നു. എയര്ടെല് 5ജി വീടുകളിലും ഉപയോഗിക്കാൻ പാകത്തില് എക്സ്ട്രീം എയര്ഫൈബര് 5ജി എന്ന് വിളിക്കപ്പെടുന്ന റൂട്ടര് എയര്ടെല് തയാറാക്കുന്നതായി ജിഎസ്എം അരീന റിപ്പോര്ട്ട് ചെയ്യുന്നു.
ജിയോ തങ്ങളുടെ വാര്ഷികയോഗത്തില് പ്രഖ്യാപിച്ച ജിയോഎയര്ഫൈബറിനുള്ള എയര്ടെലിന്റെ മറുപടിയാണ് പുതിയ ഉപകരണം.
പരമ്ബരാഗത ബ്രോഡ്ബാൻഡ് സങ്കല്പ്പങ്ങളെ പൊളിച്ചെഴുതിക്കൊണ്ട് പുത്തൻ എയര്ഫൈബര് സംവിധാനം ആരംഭിക്കുമെന്ന് ജിയോ വ്യക്തമാക്കിയിരുന്നു. പോര്ട്ടബിള് റൂട്ടറുകളേക്കാള് ശക്തമായിരിക്കും ജിയോയുടെ എയര്ഫൈബറെന്നും അതിവേഗ 5ജി വീടുകളിലേക്ക് എത്തിക്കാനും അതുവഴി പരമ്ബരാഗത രീതികളെ പൊളിച്ചെഴുതാനും ജിയോ തയാറെടുക്കുന്നു എന്നുമായിരുന്നു റിപ്പോര്ട്ട്. ഇതിന് ബദലായാണ് എയര്ടെലും എക്സ്ട്രീം എയര്ഫൈബറുമായി എത്താനൊരുങ്ങുന്നത്.