ടൈറ്റില് കഥാപാത്രത്തെ അവതരിപ്പിക്കുന്നത് ദേവനന്ദ
നവാഗതനായ വിഷ്ണു ശശിശങ്കര് സംവിധാനം ചെയ്യുന്ന മാളികപ്പുറം എന്ന ചിത്രത്തില് ഉണ്ണി മുകുന്ദനും ബേബി ദേവ നന്ദയും കേന്ദ്രകഥാപാത്രത്തെ അവതരിപ്പിക്കുന്നു.കല്യാണി എന്ന എട്ടു വയസുകാരിയുടെയും അവളുടെ സൂപ്പര് ഹീറോ ആയ അയ്യപ്പന്റെയും കഥ പറയുന്ന ചിത്രത്തിന് എരുമേലി ധര്മ്മശാസ്താ ക്ഷേത്രത്തില് പൂജാ ചടങ്ങോടെ തുടക്കം കുറിച്ചു.പൂര്ണമായും ത്രില്ലര് ഗണത്തില്പ്പെട്ട ചിത്രത്തില് സൈജു കുറുപ്പ് ,മനോജ്.കെ.ജയന്, ഇന്ദ്രന്സ്, സമ്ബത്ത് റാം, രമേഷ് പിഷാരടി, ആല്ഫി പഞ്ഞിക്കാരന് എന്നിവരാണ് മറ്റ് താരങ്ങള്.കഡാവര് ,പത്താം വളവ് ,നൈറ്റ് ഡ്രൈവ് എന്നീ ചിത്രങ്ങളിലൂടെ ശ്രദ്ധേയനായ അഭിലാഷ് പിള്ളയുടേതാണ് തിരക്കഥ.
നാരായം,പുന്നാരം, കുഞ്ഞിക്കൂനന് തുടങ്ങി മികച്ച ചിത്രങ്ങള് ഒരുക്കിയ സംവിധായകന് ശശിശങ്കറുടെ മകനാണ് വിഷ്ണു.ചിത്രത്തിന്റെ എഡിറ്രറും വിഷ്ണു തന്നെയാണ്.വിഷ്ണുനാരായണന് ഛായാഗ്രഹണം നിര്വഹിക്കുന്നു. വേണു കുന്നപ്പള്ളിയുടെ കാവ്യാ ഫിലിംസിന്റെയും ആന്റോ ജോസഫിന്റെ ആന് മെഗാ മീഡിയായുടെയും ബാനറില് പ്രിയ വേണു, നീറ്റാ ആന്റോ എന്നിവര് ചേര്ന്നാണ് നിര്മ്മാണം. സന്തോഷ് വര്മ്മയുടെ ഗാനങ്ങള്ക്ക് രഞ്ജിന് രാജ് ഈണം നല്കുന്നു. പ്രൊഡക്ഷന് കണ്ട്രോളര്- സഞ്ജയ് പടിയൂര്. എരുമേലിയില് ചിത്രീകരണം പുരോഗമിക്കുന്ന ചിത്രത്തിന് ശബരിമല, റാന്നി, പത്തനംതിട്ട എന്നിവിടങ്ങളും ലൊക്കേഷനായിരിക്കും. പി.ആര്. ഒ വാഴൂര് ജോസ്.