ജനങ്ങളെ നേരിട്ട് ബാധിക്കുന്ന വിലക്കയറ്റത്തിനെതിരെ കോണ്ഗ്രസിന്റെ റാലി ഇന്ന് ഡല്ഹിയില് നടക്കും. രാംലീല മൈതാനത്ത് നടക്കുന്ന പ്രതിഷേധത്തിന് രാഹുല് ഗാന്ധിയാണ് നേതൃത്വം നല്കുക.
അതേസമയം കോണ്ഗ്രസ് വിട്ട ഗുലാം നബി ആസാദ് ഇന്ന് ജമ്മുവില് പൊതുസമ്മേളനത്തെ അഭിസംബോധന ചെയ്യും.
രാജ്യത്തെ ജനങ്ങളെ നേരിട്ട് ബാധിക്കുന്ന വിലക്കയറ്റം മോദി സര്ക്കാരിനെതിരെ ആയുധമാക്കുകയാണ് കോണ്ഗ്രസ്. സംസ്ഥാന ജില്ലാ ബ്ലോക്ക് തലങ്ങളില് പ്രതിഷേധ പരിപാടികള് കഴിഞ്ഞ മാസം 17 മുതല് ആരംഭിച്ചിരുന്നു. ഇതിന്റെ സമാപനം കൂടിയാണ് ഇന്നത്തെ മെഹംഗായി പര് ഹല്ല ബോല് റാലി.
കോണ്ഗ്രസ് റാലിയുടെ അതേ സമയത്താണ് ഗുലാം നബി ആസാദ് ജമ്മുവില് പൊതുറാലിയെ അഭിസംബോധന ചെയ്യുക. ശേഷം കോണ്ഗ്രസ് വിട്ടെത്തിയവര് അടക്കമുള്ളവരുമായി ഗുലാം നബി ആസാദ് പുതിയ പാര്ട്ടി രൂപീകരണ ചര്ച്ചയും നടത്തും
കോണ്ഗ്രസ് അധ്യക്ഷ തെരഞ്ഞെടുപ്പ്, മുതിര്ന്ന നേതാക്കളുടെ പരസ്യ പ്രതികരണങ്ങള് എന്നിവയില് രാഹുല് ഗാന്ധി എന്തുപറയും എന്നാണ് പ്രവര്ത്തകര് ഉറ്റു നോക്കുന്നത്.