ഷൈന്‍ ടോം ചാക്കോ എന്ന നടന്‍ ഇല്ലാത്ത മലയാള സിനിമകള്‍ ഇന്ന് വളരെ കുറവാണ്. കാരണം അത്രത്തോളം മനോഹരമായി ഏത് കഥാപാത്രവും ഷൈന്‍ കൈകാര്യം ചെയ്യും എന്നത് തന്നെയാണ്.
സോഷ്യല്‍ മീഡിയയുടേയും പൊതുസമൂഹത്തിന്റേയും പരസ്യ വിചാരണയ്ക്ക് നിരന്തരം വിധേയനായി കൊണ്ടിരിക്കുന്ന ഒരാള്‍ കൂടിയാണ് ഷൈന്‍ ടോം ചാക്കോ.
ഹേറ്റേഴ്സിന് ഒരു പഞ്ഞവുമില്ലാത്ത നടന്‍. അദ്ദേഹത്തിന്റെ അഭിമുഖങ്ങള്‍ പുറത്തുവരുമ്ബോള്‍ തന്നെ കമന്റ് ബോക്സ് ചെക്ക് ചെയ്താല്‍ അത് വ്യക്തമാകും.
പക്ഷെ ആ ഹേറ്റേഴ്സിനെ പോലും നിശബ്ദരാക്കുന്നത് ഷൈന്‍ എന്ന നടനിലെ പ്രതിഭയാണ്. ഭാസിപ്പിള്ളയായി, ആല്‍വിനായി, പീറ്ററായി അയാള്‍ സ്ക്രീനില്‍ തകര്‍ത്താടുമ്ബോള്‍ ഒരു യഥാര്‍ത്ഥ കലാസ്വാദകന് ആ പ്രകടനം കണ്ട് കയ്യടിക്കാതിരിക്കാനാവില്ല.
ആ ആടിത്തിമര്‍ക്കലില്‍ അയാളുടെ സ്വയം സമര്‍പ്പണമുണ്ട് ഇമേജുകളെ ഭയക്കാതെ കഥാപാത്രങ്ങള്‍ക്കായി തന്നെത്തന്നെ വിട്ടുകൊടുക്കാന്‍ ഷൈന്‍ എപ്പോഴും തയ്യാറാവുന്നു എന്നതാണ് അദ്ദേഹം അവതരിപ്പിക്കുന്ന കഥാപാത്രങ്ങള്‍ക്ക് ഇത്രയേറെ സ്വീകാര്യത ലഭിക്കാന്‍ കാരണം.
