റിയാലിറ്റി ഷോയുടെ ആരാധകരില്‍ നിന്നുമുണ്ടാകുന്ന അതിരുകടന്ന പ്രതികരണങ്ങള്‍ക്കെതിരെ നടിയും അവതാരകയുമായ അശ്വതി ശ്രീകാന്ത്.
സീ മലയാളം ന്യൂസിന്റെ ചര്‍ച്ചയില്‍ സംസാരിക്കുമ്ബോഴായിരുന്നു താരം മനസ് തുറന്നത്. തന്റൈ അനുഭവങ്ങള്‍ പങ്കുവച്ചു കൊണ്ടും ആരേയും പേരെടുത്ത് പറയാതെയുമായിരുന്നു അശ്വതിയുടെ പ്രതികരണം. ബിഗ് ബോസ് താരം റോബിന്റെ ആരാധകരുടെ പ്രതികരണങ്ങള്‍ ചര്‍ച്ചയാകുന്നതിനിടെയായിരുന്നു അശ്വതിയുടെ തുറന്നു പറച്ചില്‍.താന്‍ മുമ്ബ് ചെയ്‌തൊരു ഷോയെക്കുറിച്ചായിരുന്നു താരം മനസ് തുറന്നത്. ഷോ തുടങ്ങുമ്ബോള്‍ തന്നെ ഫാന്‍സുമായി ഇന്ററാക്‌ട് ചെയ്യരുതെന്ന് പറഞ്ഞിരുന്നു. പലതരത്തിലുള്ള കമ്യൂണിക്കേഷന്‍ പോയാല്‍ പിന്നെ കൈ വിട്ട് പോകും എന്ന് പറഞ്ഞിരുന്നു. അപ്പോഴും എനിക്കറിയില്ലായിരുന്നു ഇങ്ങനൊരു സംഭവം സംഭവിക്കാന്‍ പോകുകയാണെന്ന്. പക്ഷെ ഷോ തുടങ്ങിയപ്പോള്‍ ചിലര്‍ വളരെ വൈകാരികമായി എടുക്കുകയും നിനക്കൊക്കെ എന്താണെന്ന തരത്തില്‍ സംസാരിക്കുകയും ചെയ്തു. വളരെയധികം പ്രൊവോക്ക് ചെയ്യുന്ന തരത്തിലായിരുന്നു സംസാരമെന്നും അശ്വതി ഓര്‍ക്കുന്നു.
