രാഹുല് ഗാന്ധിയുടെ ഭാരത് ജോഡോ യാത്ര രാജസ്ഥാനിലേക്ക്. യാത്രാ സംഘം നാളെ വൈകിട്ടാണ് രാജസ്ഥാനില് പ്രവേശിക്കുന്നത്.
18 നിയമസഭാ മണ്ഡലത്തിലൂടെ 20 ദിവസമായാണ് യാത്ര കടന്നുപോവുക. മുഖ്യമന്ത്രി അശോക് ഗെലോട്ടും സച്ചിന് പൈലറ്റും തമ്മിലുള്ള അധികാര തര്ക്കത്തിന് ഭാരത് ജോഡോ യാത്ര എത്താന് ഇരിക്കെ നേതൃത്വം താല്ക്കാലിക പരിഹാരം ഉണ്ടാക്കിയിരുന്നു. യാത്രയിലെ ശക്തി പ്രകടനത്തിനായി ഗെലോട് പൈലറ്റ് വിഭാഗങ്ങള് സംസ്ഥാനത്ത് വ്യാപകമായി പോസ്റ്ററുകളും ബാനറുകളും പതിച്ചിട്ടുണ്ട്. യാത്രയ്ക്കായി 15 കമ്മറ്റികളാണ് രാജസ്ഥാന് പിസിസി ഉണ്ടാക്കിയിരിക്കുന്നത്.
അതേസമയം കോണ്ഗ്രസിന്റെ പാര്ലമെന്ററി പാര്ട്ടി അധ്യക്ഷ സോണിയാ ഗാന്ധി വിളിച്ചു ചേര്ത്ത കോണ്ഗ്രസ് പാര്ലമെന്റംഗങ്ങളുടെ നയരൂപീകരണ യോഗം ഇന്ന് നടക്കും. രാജ്യസഭാ പ്രതിപക്ഷ നേതാവായി മല്ലികാര്ജ്ജുന് ഖാര്ഗെ തുടരാനുള്ള തീരുമാനം ഈ യോഗത്തില് സോണിയാ ഗാന്ധി അറിയിക്കും