ന്യൂഡല്‍ഹി: അഹമ്മദബാദ്: രാഹുല്‍ ഗാന്ധിയെ മുന്‍ ഇറാഖ് പ്രസിഡന്റ് സദ്ദാം ഹുസൈനോട് ഉപമിച്ച്‌ അസം മുഖ്യമന്ത്രിയും ബി.ജെ.പി.
നേതാവുമായ ഹിമന്ത ബിശ്വശര്‍മ. ഗുജറാത്ത് തിരഞ്ഞെടുപ്പിന് മുന്നോടിയായി അഹമ്മദാബാദിലെ ബിജെപി സ്ഥാനാര്‍ഥിക്ക് വേണ്ടി നടന്ന പൊതുയോഗത്തില്‍ വെച്ചായിരുന്നു പരാമര്‍ശം.
തിരഞ്ഞെടുപ്പിന് മുന്നോടിയായി രാഹുല്‍ ഗാന്ധിയുടെ ഗുജറാത്ത് സന്ദര്‍ശനത്തെയും ശര്‍മ്മ പരിഹസിച്ചു. വിസിറ്റിങ് പ്രൊഫസറെ പോലെയാണ് രാഹുല്‍ ഗാന്ധി സംസ്ഥാനത്ത് സന്ദര്‍ശനം നടത്തിയത് എന്നായിരുന്നു അദ്ദേഹത്തിന്റെ പരാമര്‍ശം. ഹിമാചല്‍ പ്രദേശില്‍ രാഹുല്‍ ഗാന്ധി പ്രചാരണം പോലും നടത്തിയില്ലെന്നും അദ്ദേഹം ആരോപിച്ചു.
തിരഞ്ഞെടുപ്പ് നടത്ത സ്ഥലങ്ങളില്‍ മാത്രമാണ് രാഹുല്‍ ഗാന്ധി പോകുന്നത്. കാരണം അദ്ദേഹത്തിന് പരാജയ ഭീതിയാണെന്ന് ഹിമന്ത ബിശ്വ ആരോപിച്ചു. ഭാരത് ജോഡോ യാത്രയില്‍ ബോളിവുഡ് താരങ്ങളായ പൂജാ ഭട്ടും, അമോല്‍ പലേക്കറടക്കമുള്ളവര്‍ പങ്കെടുത്തതിനെയും അദ്ദേഹം വിമര്‍ശിച്ചു. പണം നല്‍കിയിട്ടാണ് അവരെയെല്ലാം പങ്കെടുപ്പിച്ചതെന്ന് അദ്ദേഹം ആരോപിച്ചു.
