ഉണ്ണി മുകുന്ദന്‍ നായകനായ ‘മാളികപ്പുറം’ കേരളത്തില്‍ ചര്‍ച്ചയാകുകയാണ്. വിഷ്ണു ശശി ശങ്കര്‍ സംവിധാനം ചെയ്ത മാളികപ്പുറത്ത് ഉണ്ണി മുകുന്ദനെ വ്യത്യസ്ത രൂപത്തിലും ഭാവത്തിലും അവതരിപ്പിക്കുന്ന വാര്‍ത്തകള്‍ സോഷ്യല്‍ മീഡിയയില്‍ നിറഞ്ഞിരിക്കുകയാണ്.
ബോക്‌സ് ഓഫീസില്‍ മികച്ച പ്രതികരണം നേടി മുന്നേറുന്ന ചിത്രത്തെ പ്രശംസിച്ച്‌ നിരവധി പേരാണ് തിയേറ്ററിന് അകത്തും പുറത്തും നിന്നും എത്തുന്നത്. ഇപ്പോഴിതാ ചിത്രത്തെ പുകഴ്ത്തി കോണ്‍ഗ്രസ് നേതാവ് വിഎം സുധീരന്‍ രംഗത്തെത്തിയിരിക്കുകയാണ്. “ലതയോടൊപ്പം മാളികപ്പുറം കണ്ടു… ചിത്രം നന്നായിരിക്കുന്നു..ഞങ്ങള്‍ക്ക് വളരെ ഇഷ്ടപ്പെട്ടു…” എന്നാണ് അദ്ദേഹം ഫേസ്ബുക്കില്‍ കുറിച്ചത്.
അതേസമയം, മാളികപ്പുറം തിയേറ്ററുകളില്‍ വിജയകരമായി പ്രദര്‍ശനം തുടരുന്നതിനിടെ നടന്‍ ഉണ്ണി മുകുന്ദന്‍ ചിത്രത്തിന്റെ അണിയറപ്രവര്‍ത്തകര്‍ക്ക് നന്ദി പറഞ്ഞു. ചിത്രത്തിലെ ഓരോ അണിയറപ്രവര്‍ത്തകരെയും പരാമര്‍ശിക്കാതെ മാളികപ്പുറത്തിന്റെ വിജയം മനസ്സിലാക്കാന്‍ കഴിയില്ലെന്നും അവരുടെ കഠിനാധ്വാനം കൊണ്ടാണ് ഈ വിജയമെന്നും ഉണ്ണി മുകുന്ദന്‍ പറഞ്ഞു.
