തൃശൂര്‍: മാരകമായ മയക്കുമരുന്നും ലഹരിക്കായി ഉപയോഗിക്കുന്ന ഗുളികളുമായി യുവാവ് അറസ്റ്റില്‍. വടക്കേക്കാട് കല്ലിങ്ങല്‍ തോട്ടുപുറത്ത് വീട്ടില്‍ പ്രണവ് എന്ന 25-കാരനാണ് വടക്കേക്കാട് പോലീസ് അറസ്റ്റ് ചെയ്തത്.
പ്രതിയില്‍ നിന്നും 3.80 ഗ്രാം അതിമാരക മയക്കുമരുന്നായ എം.ഡി.എം.എയും ലഹരിക്കായി ഉപയോഗിക്കുന്ന 3.960 ഗ്രാം ഗുളികകളും പോലീസ് കണ്ടെടുത്തു. അറസ്റ്റിലായ പ്രതി വധശ്രമം ഉള്‍പ്പെടെയുള്ള കേസുകളില്‍ പ്രതിയാണെന്ന് പോലീസ് അറിയിച്ചു.
