ചെന്നൈ: ബംഗാള് ഉള്ക്കടലില് രൂപപ്പെട്ട മാന്ഡസ് ചുഴലിക്കാറ്റായി മാറി. ചുഴലിക്കാറ്റ് നാളെ അര്ധരാത്രിയോടെ പുതുച്ചേരി- ആന്ധ്രാ പ്രദേശിലെ തീരങ്ങളിലുമെത്തുമെന്ന് കേന്ദ്രകാലാവസ്ഥ വകുപ്പ്.
ഈ സാഹചര്യത്തില് തമിഴ്നാട്ടിലെയും പുതുച്ചേരിയിലെയും വിവിധ ഭാഗങ്ങളില് ശക്തമായ മഴയ്ക്ക് സാധ്യതയെന്ന് കേന്ദ്രാകാലാവസ്ഥ വകുപ്പ് അറിയിച്ചു.
കനത്തമഴ കണക്കിലെടുത്ത് എല്ലാ മുന്കരുതലുകളും സ്വീകരിച്ചതായി തമിഴ്നാട് സര്ക്കാര് അറിയിച്ചു. എന്ഡിആര്എഫ് തമിഴ്നാട്ടിലേക്ക് അഞ്ചും പുതുച്ചേരിയിലേക്ക് മൂന്നും സംഘങ്ങളെ അയച്ചിട്ടുണ്ട്. തീരപ്രദേശങ്ങളില് താമസിക്കുന്നവര് കനത്ത ജാഗ്രത പാലിക്കണമെന്നും മുന്നറിയിപ്പില് പറയുന്നു.