മദ്ധ്യപ്രദേശ് : രേവയില് ബസ് മറിഞ്ഞ് 14 പേര് മരിച്ചു.35 പേര്ക്ക് ഗുരുതരമായി പരിക്കേറ്റു.ദേശീയ പാതയില് ഇന്നലെ രാത്രി 11.30ഓടെയാണ് അപകടം.
സംഭവത്തെ കുറിച്ച് വഴിയാത്രക്കാരാണ് തങ്ങളെ അറിയിച്ചതെന്ന് പോലീസ് പറഞ്ഞു.ഉടന് തന്നെ സ്ഥലത്തെത്തി അവര് രക്ഷാപ്രവര്ത്തനം ആരംഭിക്കുകയും തകര്ന്ന ബസിനുള്ളില് കുടുങ്ങി രക്തം വാര്ന്നു കിടക്കുന്ന യാത്രക്കാരെ പുറത്തെടുക്കുകയും ചെയ്തു. ബസിന്റെ ക്യാബിനിനുള്ളില് മൂന്നോ നാലോ പേര് കുടുങ്ങിക്കിടക്കുകയായിരുന്നു എന്ന് പോലീസ് പറഞ്ഞു.
ആംബുലന്സുകള് വിളിക്കുകയും പരിക്കേറ്റ യാത്രക്കാരെ ചികിത്സയ്ക്കായി തെയോന്തര് സിവില് ആശുപത്രിയിലേക്ക് കൊണ്ടുപോവുകയും ചെയ്തു.നിറയെ യാത്രക്കാരുമായി വന്ന ബസ് ഒരു മലയോര റോഡിലേക്ക് മറിയുകയായിരുന്നുവെന്ന് അദ്ദേഹം പറഞ്ഞു. ഉത്തര്പ്രദേശില് നിന്നുള്ള ബസ് ജബല്പൂരില് നിന്ന് രേവ വഴി പ്രയാഗ്രാജിലേക്ക് പോവുകയായിരുന്നു.
അപകടത്തിന്റെ കാരണം കണ്ടെത്താനായിട്ടില്ലെന്നും പോലീസ് ഇക്കാര്യം പരിശോധിച്ചുവരികയാണെന്നും കളക്ടര് പറഞ്ഞു.