കോഴിക്കോട്: ഭക്ഷ്യസംസ്കരണ രംഗത്ത് കേരളം ഏറെ പിന്നിലാണെന്ന് കേന്ദ്ര ഭക്ഷ്യസംസ്കരണ മന്ത്രി പശുപതികുമാര്‍ പരശ്.
ആര്‍എല്‍ജെപി സംസ്ഥാന കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ബീഹാര്‍ പോലുള്ള സംസ്ഥാനങ്ങളെ അപേക്ഷിച്ച്‌ വളരെ പിന്നിലാണ് കേരളത്തിലെ സ്ഥിതി. ഈ രംഗത്ത് കേരളത്തില്‍ നിന്നുള്ള സംരംഭകര്‍ക്ക് തന്റെ പിന്തുണ ഉണ്ടാകുമെന്നും അദ്ദേഹം പറഞ്ഞു.
ഭക്ഷ്യസംസ്കരണ മേഖലയില്‍ മൂല്യവര്‍ദ്ധിത ഉല്‍പ്പന്നങ്ങള്‍ നിര്‍മ്മിക്കുന്ന കമ്ബനികള്‍ക്ക് കേന്ദ്ര സര്‍ക്കാര്‍ തിരിച്ചടയക്കേണ്ടതല്ലാത്ത 35% സബ്സിഡി നല്‍കുന്നുണ്ട്. ആദിവാസി- ദളിത് സമുദായങ്ങള്‍ ആരംഭിച്ച സ്ഥാപനമാണെങ്കില്‍ തിരിച്ചടയ്ക്കേണ്ടതില്ലാത്ത 50 ശതമാനം സബ്സിഡി നല്‍കുന്നുണ്ടെങ്കിലും കേരളത്തില്‍ ഇതിന് വേണ്ടത്ര പ്രചാരം ലഭിച്ചിട്ടില്ലെന്നും കേന്ദ്രമന്ത്രി അഭിപ്രായപ്പെട്ടു.
2024ലെ തെരഞ്ഞെടുപ്പിലും എന്‍ഡിഎ വീണ്ടും അധികാരത്തില്‍ വരികയും ആര്‍എല്‍ജെപി മന്ത്രിസഭയുടെ ഭാഗമായുണ്ടാകുമെന്നും പശുപതികുമാര്‍ കൂട്ടിച്ചേര്‍ത്തു.
