ഗുവാഹാട്ടി: മുതിര്ന്ന ബി.ജെ.പി നേതാവിനൊപ്പമുള്ള സ്വകാര്യചിത്രങ്ങള് പ്രചരിച്ചതിന് പിന്നാലെ ബി.ജെ.പി വനിതാനേതാവിനെ മരിച്ചനിലയില് കണ്ടെത്തി.
അസമിലെ ബി.ജെ.പി നേതാവും കിസാന് മോര്ച്ച സെക്രട്ടറിയുമായ ഇന്ദ്രാണി തഹ്ബില്ദാറിനെയാണ് (48) വീട്ടിനുള്ളില് മരിച്ച നിലയില് കണ്ടത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം.
മുതിര്ന്ന ബി.ജെ.പി നേതാവിനൊപ്പമുള്ള ഇന്ദ്രാണിയുടെ സ്വകാര്യചിത്രങ്ങള് കഴിഞ്ഞ ദിവസങ്ങളില് സാമൂഹികമാധ്യമങ്ങളില് പ്രചരിച്ചിരുന്നു. ഇതാണ് ഇന്ദ്രാണിയെ മരണത്തിലേക്ക് നയിച്ചതെന്നാണ് പറയപ്പെടുന്നത്. സംഭവം അസമിലെ പാര്ട്ടിക്കുള്ളില് വലിയ ചര്ച്ചകള്ക്ക് കാരണമായിട്ടുണ്ട്.
ഇന്ദ്രാണിയുടെ മരണത്തിന് പിന്നാലെ മുതിര്ന്ന നേതാവ് ഒളിവില്പോയിരിക്കുകയാണെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. അസ്വാഭാവിക മരണത്തിന് കേസെടുത്തതായും അന്വേഷണം തുടരുകയാണെന്നും സെന്ട്രല് ഗുവാഹാട്ടി ഡി.സി.പി. ദീപക് ചൗധരി മാധ്യമങ്ങളോട് പറഞ്ഞു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. വിളിക്കൂ 1056)