ന്യൂഡല്ഹി: പോപ്പുലര് ഫ്രണ്ടിന്റെ നിരോധനത്തെ തുടര്ന്ന് തുടര്നടപടികള് സ്വീകരിക്കാന് കേന്ദ്രം സംസ്ഥാനങ്ങള്ക്ക് നിര്ദ്ദേശം നല്കി.
നിരോധിത സംഘടനകളുടെ ഓഫീസുകള് പൂട്ടി സീല് ചെയ്യണം. സ്വത്തുക്കള് കണ്ടുകെട്ടണം. പേര് മാറ്റിയോ മറ്റേതെങ്കിലും രീതിയിലോ പ്രവര്ത്തനം തുടരുന്നുണ്ടോ എന്നും നിരീക്ഷിക്കണം. നിരോധനത്തിന്റെ പശ്ചാത്തലത്തില് എല്ലാ സംസ്ഥാനങ്ങള്ക്കും കേന്ദ്രം ജാഗ്രതാ നിര്ദേശം നല്കിയിട്ടുണ്ട്.
നിരോധന വിജ്ഞാപനത്തിന് പിന്നാലെയാണ് നടപടിയെടുക്കാന് കേന്ദ്ര ആഭ്യന്തര മന്ത്രാലയം സംസ്ഥാനങ്ങള്ക്ക് നിര്ദേശം നല്കിയത്. നിരോധിത സംഘടനകളുടെ ഓഫീസുകള് സീല് ചെയ്യാനും അവരുടെ സാമ്ബത്തിക സ്രോതസ്സുകള് കണ്ടുകെട്ടാനുമാണ് നിര്ദേശം. കേന്ദ്ര ആഭ്യന്തര സെക്രട്ടറിയാണ് സംസ്ഥാനങ്ങള്ക്കും ജില്ലാ കളക്ടര്മാര്ക്കും നിര്ദ്ദേശം നല്കിയത്. പോപ്പുലര് ഫ്രണ്ട് ഉള്പ്പെടെയുള്ള നിരോധിത സംഘടനകള് നിയമവിരുദ്ധ പ്രവര്ത്തനങ്ങള്ക്ക് ഉപയോഗിച്ചതായി കണ്ടെത്തിയ ഓഫീസുകളുടെയും മറ്റ് സ്വത്തുക്കളുടെയും പട്ടിക കളക്ടര്മാര് തയ്യാറാക്കി സീല് ചെയ്യണം. ഇവ തുടര്ന്ന് ഉപയോഗിക്കാന് അനുവദിക്കില്ല. എല്ലാത്തരം പ്രചാരണ പരിപാടികളും നിരോധിക്കും. കളക്ടറുടെ അനുമതിയില്ലാതെ ജപ്തി ചെയ്ത കെട്ടിടങ്ങളില് കയറിയാല് അറസ്റ്റ് ഉള്പ്പെടെയുള്ള നടപടികള് സ്വീകരിക്കും. സംഘടനയുടെ ചുമതലയുള്ള കൂടുതല് പേരെ ഉടന് അറസ്റ്റ് ചെയ്യും.