കൊച്ചി: പഴങ്ങളുടെ മറവില് രാജ്യത്തേക്ക് വന് തോതില് മയക്കുമരുന്ന് കടത്തിയ കേസില് കൂടുതല് അറസ്റ്റ് ഉണ്ടായേക്കും.
മയക്കുമരുന്ന് കണ്ടെയ്നര് പിടികൂടുന്നതിന് മുമ്ബ് ദക്ഷിണാഫ്രിക്കയിലെ മലയാളി ബിസിനസുകാരനായ മന്സൂര് തച്ചംപറമ്ബില് തന്നോട് ഫോണില് സംസാരിച്ചിരുന്നതായി അറസ്റ്റിലായ വിജിന് വര്ഗീസ് ഡിആര്ഐക്ക് മൊഴി നല്കിയിട്ടുണ്ട്. രാഹുല് എന്നയാള് ലോഡ് കൊണ്ടുപോവുമെന്നാണ് ഫോണിലൂടെ ലഭിച്ച നിര്ദ്ദേശം. ഇയാള്ക്കെതിരെ അന്വേഷണം നടക്കുകയാണ്.
എന്നാല് അമര് പട്ടേല് എന്നയാളാണ് മയക്കുമരുന്ന് കടത്തിയതെന്ന് മന്സൂര് പറയുന്നു. താന് സംഭവസ്ഥലത്ത് ഇല്ലാത്തപ്പോളാണ് അമര് പട്ടേല് കള്ളക്കടത്ത് നടത്തിയതെന്നാണ് വെളിപ്പെടുത്തല്. അന്വേഷണ സംഘം ഇക്കാര്യം വിശ്വാസത്തിലെടുത്തിട്ടില്ല. ചോദ്യം ചെയ്യലിന് ഹാജരായില്ലെങ്കില് നിയമനടപടി സ്വീകരിക്കും. കഴിഞ്ഞ വെള്ളിയാഴ്ച വിദേശ വിപണിയില് നിന്ന് 1,476 കോടി രൂപയുടെ മയക്കുമരുന്നാണ് ഡിആര്ഐ പിടികൂടിയത്.