തിരുവനന്തപുരം: രാഷ്ട്രപതി തെരഞ്ഞെടുപ്പില് പ്രതിപക്ഷ സ്ഥാനാര്ഥി യശ്വന്ത് സിന്ഹക്ക് ലഭിച്ചത് റെക്കോര്ഡ് വോട്ടും വോട്ടു വിഹിതവുമാണെന്ന് സിപിഎം നേതാവും പൊതുമരാമത്ത് മന്ത്രിയുമായ പി എ മുഹമ്മദ് റിയാസ്.
രാഷ്ട്രപതി തിരഞ്ഞെടുപ്പില് പ്രതിപക്ഷ ഐക്യം ചലനം സൃഷ്ടിച്ചില്ലെന്ന നുണഫാക്ടറികളില് നിന്ന് നിരന്തരമായി നടത്തുന്ന വ്യാജ പ്രചരണങ്ങള് ശ്രദ്ധയില്പ്പെട്ടെന്നും അദ്ദേഹം ഫേസ്ബുക്ക് കുറിപ്പില് വ്യക്തമാക്കി. രാഷ്ട്രപതി തെരഞ്ഞെടുപ്പുകളില് ഇതുവരെപ്രതിപക്ഷ സ്ഥാനാര്ഥിക്കള്ക്ക് ലഭിച്ച വോട്ടിന്റെ കണക്കുകള് പരിശോധിച്ചാല് ഇക്കാര്യം വ്യക്തമാകുമെന്നും അദ്ദേഹം വ്യക്തമാക്കി.