ന്യൂഡല്‍ഹി: നീറ്റ് പി.ജി-2022 ഓപ്ഷനുകള്‍ തെരഞ്ഞെടുക്കാനുള്ള ഒന്നാംഘട്ട കൗണ്‍സലിങ് നാളെ അവസാനിക്കും. രജിസ്റ്റര്‍ ചെയ്ത അപേക്ഷകര്‍ക്ക് സപ്തംബര്‍ 25ന് ഉച്ചയ്ക്ക് 11.55 വരെ സ്ട്രീം ചോയ്‌സും കോളജുകളും തിരഞ്ഞെടുക്കാം.
ഒന്നാംഘട്ട അലോട്ട്‌മെന്റിലേക്ക് അപേക്ഷ സമര്‍പ്പിക്കുന്നതിനുള്ള സമയം സപ്തംബര്‍ 23 വെള്ളിയാഴ്ച അവസാനിച്ചിരുന്നു. മെഡിക്കല്‍ കൗണ്‍സലിങ് കമ്മിറ്റിയാണ് നീറ്റ് പ്രവേശന നടപടികള്‍ പൂര്‍ത്തിയാക്കുന്നത്. ഇന്‍സ്റ്റിറ്റ്യൂട്ടുകളുടെ പരിശോധന നടപടികള്‍ കൂടി പൂര്‍ത്തിയാക്കി സപ്തംബര്‍ 28ന് ഒന്നാംഘട്ട അലോട്ട്‌മെന്റ് പട്ടിക പ്രസിദ്ധീകരിക്കും.
