ചണ്ഡിഗഡ്: വിവിധ ആവശ്യങ്ങളുന്നയിച്ച്‌ ഭാരതി കിസാന്‍ യൂണിയന്‍ പ്രസിഡന്റ് ജഗ്ജിത് സിംഗ് ദല്ലേവാള്‍ നടത്തുന്ന നിരാഹാര സമരം അഞ്ച് ദിനങ്ങള്‍ പിന്നിട്ടു.
കഴിഞ്ഞ ശനിയാഴ്ചയാണ് പഞ്ചാബിലെ ഫരീദ്കോട്ടില്‍ ദല്ലേവാള്‍ സമരം ആരംഭിച്ചത്. ദേശീയപാതാ പദ്ധതികള്‍ക്കായി ഏറ്റെടുത്ത ഭൂമിക്ക് നഷ്ടപരിഹാരം വര്‍ദ്ധിപ്പിക്കുക, പ്രതികൂല കാലാവസ്ഥയാലും കീടങ്ങളുടെ ആക്രമണത്താലുമുള്ള വിനാശത്തിന് നഷ്ടപരിഹാരം നല്‍കുക, കുറ്റിക്കാടുകള്‍ കത്തിച്ചതിന് ചുമത്തിയ പിഴ പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം.
