ദില്ലി: ഒഡീഷ മുഖ്യമന്ത്രി നവീന് പട്നായിക്കുമായി കൂടിക്കാഴ്ച നടത്തി ബീഹാര് മുഖ്യമന്ത്രി നിതീഷ് കുമാര്.
ഒഡീഷയിലെ ഭുവനേശ്വറിലാണ് കൂടിക്കാഴ്ച നടന്നത്. അതേ സമയം ഇതൊരു സൗഹൃദ കൂടിക്കാഴ്ച ആയിരുന്നെന്നും സഖ്യത്തെ കുറിച്ച് ചര്ച്ചയുണ്ടായില്ലെന്നും നവീന് പട്നായിക്ക് വ്യക്തമാക്കി.
ലോക്സഭ തെരഞ്ഞെടുപ്പിന് മുന്നോടിയായി ബിജെപിക്കെതിരെ പ്രതിപക്ഷ പാര്ട്ടികളുടെ കൂട്ടായ്മ ഉണ്ടാക്കാനുള്ള നീക്കത്തിന്റെ ഭാഗമാണ് ഇപ്പോള് നടക്കുന്ന ചര്ച്ചകള്. മല്ലികാര്ജ്ജുന് ഖാര്ഗെയും രാഹുല് ഗാന്ധിയിലും ദില്ലിയില് വച്ച് നടത്തിയ കൂടിക്കാഴ്ചയില് കോണ്ഗ്രസില് നിന്നും അകന്ന് നില്ക്കുന്ന പാര്ട്ടികളുമായി ചര്ച്ച നടത്താന് ബിഹാര് മുഖ്യമന്ത്രിയെ ചുമതലപ്പെടുത്തിയിരുന്നു. പിന്നാലെ നിതീഷ് കുമാര് ഇടത് പാര്ട്ടികളും ദില്ലി മുഖ്യമന്ത്രി അരവിന്ദ് കെജ്രിവാളുമായും ചര്ച്ച നടത്തി.