എറണാകുളം: നടി അക്രമിക്കപ്പെട്ട കേസില് ദിലീപിന്റെ ജാമ്യം റദ്ദാക്കണമെന്ന ഹര്ജിയിന്മേല് വിചാരണക്കോടതിയില് ഇന്ന് വീണ്ടും വാദം തുടരും.
കേസില് ബാലചന്ദ്രകുമാര് ഹാജരാക്കിയ പെന് ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച് കൂടുതല് വ്യക്തത വേണമെന്ന കോടതിനിര്ദേശത്തില് പ്രോസിക്യൂഷന് മറുപടി നല്കും. പ്രോസിക്യൂഷന് വാദം ബാലിശമാണെന്നാണ് പ്രതിഭാഗത്തിന്റെ ആരോപണം.
നടി അക്രമിച്ച കേസില് ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ടാണ് പ്രോസിക്യൂഷന് വിചാരണ കോടതിയെ സമീപിച്ചത്. തുടരന്വേഷണത്തിന്റെ ഭാഗമായി അന്വേഷണ സംഘം കണ്ടെത്തിയ തെളിവുകളുടെ അടിസ്ഥാനത്തിലാണ് പ്രോസിക്യൂഷന് നീക്കം.
കേസില് സാക്ഷികളെ സ്വാധീനിക്കാനുള്പ്പെടെ ദിലീപ് നീക്കം നടത്തിയെന്നാണ് പ്രോസിക്യൂഷന് ആരോപണം.ദിലീപിന്റെ ഉള്പ്പെടെ ഉളളവരുടെ ഫോണില് നിന്ന് കണ്ടെത്തിയ ശബ്ദ രേഖകള് അടക്കം കോടതിയില് പ്രോസിക്യൂഷന് കോടതിയില് ഹാജരാക്കിയിരുന്നു. പ്രോസിക്യൂഷന് തെളിവുകള് കെട്ടിച്ചമച്ചതെന്നായിരുന്നു പ്രതിഭാഗത്തിന്റെ മറുപടി.
ദിലീപിന് എതിരെയുള്ള നീക്കം ഉദ്യോഗസ്ഥരുടെ വൈരാഗ്യത്തിന്റെ ഭാഗമാണെന്ന് പ്രതിഭാഗം കോടതിയില് വാദിച്ചു. പ്രോസിക്യൂഷന് ഹാജരാക്കിയ രേഖകളുടെ ആധികാരത പരിശോധിക്കണമെന്നും പ്രതിഭാഗം കോടതിയില് ആവശ്യപ്പെട്ടിട്ടുണ്ട്. ബാലചന്ദ്രകുമാര് ഹാജരാക്കിയ പെന്ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച് വ്യക്തത വേണമെന്ന കോടതി നിര്ദേശത്തില് പ്രോസിക്യൂഷന് കോടതിയില് മറുപടി നല്കും.