ഡല്‍ഹി: ചൈനീസ് പ്രകോപനത്തില്‍ വാസ്തവം പ്രധാനമന്ത്രി വെളിപ്പെടുത്തണമെന്ന് സോണിയ ഗാന്ധി . പാര്‍ലമെന്‍റിലും രാജ്യത്തെ ജനങ്ങളോടും യാഥാര്‍ഥ്യം ബോധ്യപ്പെടുത്തണമെന്നും സോണിയ ആവശ്യപ്പെട്ടു.
പ്രതിപക്ഷ പ്രതിഷേധത്തെ തുടര്‍ന്ന് ലോക്സഭ തടസ്സപ്പെട്ടു.
തുടര്‍ച്ചയായ എട്ടാം ദിവസവും പ്രതിപക്ഷം ചൈന വിഷയം പാര്‍ലമെന്റില്‍ ഉന്നയിച്ചു. ചര്‍ച്ചയ്ക്ക് സര്‍ക്കാര്‍ വഴങ്ങാതെ വന്നതോടെ പ്രതിപക്ഷം പ്രതിഷേധിച്ചു. ചര്‍ച്ച അനുവദിക്കാത്തതില്‍ പ്രതിഷേധിച്ച്‌ കോണ്‍ഗ്രസ് എം.പിമാര്‍ ലോക്സഭയില്‍ നിന്ന് ഇറങ്ങിപ്പോയി. സര്‍ക്കാരിന്‍റെ കടുംപിടുത്തം ചര്‍ച്ച ഇല്ലാതാകുന്നതായി സോണിയ ഗാന്ധി വിമര്‍ശിച്ചു. ചോദ്യങ്ങള്‍ക്ക് പ്രധാനമന്ത്രി മറുപടി പറയണമെന്ന് പ്രതിപക്ഷം ആവശ്യപ്പെട്ടു. 12 പ്രതിപക്ഷ പാര്‍ട്ടി എം.പിമാര്‍ പ്രതിഷേധത്തില്‍ പങ്കെടുത്തു. കോണ്‍ഗ്രസിന്‍റെ പാര്‍ലമെന്‍ററി പാര്‍ട്ടി യോഗവും രാവിലെ ചേര്‍ന്നു.
