ഗാന്ധിനഗര്: ഗുജറാത്തില് ആം ആദ്മി പാര്ട്ടി – ബി.ജെ.പി പോര് മുറുകുന്നു .ഡല്ഹിയിലെ എ.എ.പി മന്ത്രി നടത്തിയ പരാമര്ശത്തെ തുടര്ന്ന് ഗുജറാത്തില് അരവിന്ദ് കേജ്രിവാളിനെതിരെ ബി.ജെ.പി പ്രവര്ത്തകരുടെ പ്രതിഷേധം തുടരുകയാണ്.
അതിനിടെ ഗുജറാത്ത് നിയമസഭാ തെരഞ്ഞെടുപ്പില് നാലാംഘട്ട സ്ഥാനാര്ഥികളുടെ പട്ടിക ആപ്പ് പുറത്ത് വിട്ടു.
മതപരിവര്ത്തന റാലിയില് ഹിന്ദു ദൈവങ്ങളില് വിശ്വസിക്കില്ല എന്ന വിവാദ പരാമര്ശം നടത്തിയത് ഡല്ഹിയിലെ ആം ആദ്മി മന്ത്രിയായ രാജേന്ദ്ര പാല് ഗൗതം ആയിരുന്നു. ഇതിന് പിന്നാലെ ആണ് ദ്വിദിന സന്ദര്ശനത്തിനായി ഗുജറാത്തില് എത്തിയ ആം ആദ്മി പാര്ട്ടി കണ്വീനറും ഡല്ഹി മുഖ്യമന്ത്രിയുമായ അരവിന്ദ് കേജ്രിവാളിന് എതിരെ ബി.ജെ.പി പ്രതിഷേധം ശക്തമാക്കിയത്. കേജ്രിവാള് മടങ്ങി പോകണമെന്ന് ആവശ്യപ്പെട്ട് വഡോദരയില് ബി.ജെ.പി പ്രവര്ത്തകര് ഫ്ലക്സുകളും നോട്ടീസുകളും സ്ഥാപിച്ചു. ഈ വര്ഷം അവസാനം നിയമസഭാ തെരഞ്ഞെടുപ്പ് നടക്കാനിരിക്കെ ഗുജറാത്തില് മുന്നൊരുക്കങ്ങള് ശക്തമാകുകയാണ് ആം ആദ്മി പാര്ട്ടി.