സ്വര്ണ്ണക്കടത്ത് വിഷയത്തില് പ്രതിപക്ഷം നടത്തുന്ന സമരത്തിനെതിരെ എല് ഡി എഫ് കണ്വീനര് ഇ പി ജയരാജന്. മുഖ്യമന്ത്രി പിണറായി വിജയനെ ചെളിവാരിയെറിഞ്ഞ്, കുടുംബത്തെ ആക്രമിക്കാന് ശ്രമിച്ചാല് കേരളം ശക്തിയായി പ്രതികരിക്കുമെന്ന് ജയരാജന് പറഞ്ഞു .
കോലം കത്തിക്കേണ്ട അഴിമതിക്കാരായ നേതാക്കള് കോണ്ഗ്രസില് തന്നെയുണ്ട്. അവര്ക്കെതിരെയാണ് പ്രതിപക്ഷം പ്രതിഷേധിക്കേണ്ടതെന്നും ഇ പി ജയരാജന് പറഞ്ഞു.
ക്രിയാത്മകമായി എന്തെങ്കിലും കാര്യം ഇതുവരെ പ്രതിപക്ഷം പറഞ്ഞിട്ടുണ്ടോ.
എല്ഡിഎഫ് സര്ക്കാരിന് ജനകീയത വര്ധിക്കുന്നതിന്റെ വെപ്രാളമാണ് അവര് കാണിക്കുന്നത്. നിലവാരമില്ലാത്ത രാഷ്ട്രീയ യുദ്ധത്തിന് കോണ്ഗ്രസും ആര്എസ്എസും മുതിരരുത്. തൃക്കാക്കരയില് എസ്ഡിപിഐ, ജമാഅത്തെ ഇസ്ലാമി, ട്വന്റി20, ആര്എസ്എസ് വോട്ട് കച്ചവടത്തിലൂടെ ജയിച്ചതിന്റെ അഹങ്കാരംമൂത്ത് മുഖ്യമന്ത്രിയെ കളങ്കപ്പെടുത്താന് ഇറങ്ങിത്തിരിക്കുന്ന വൃത്തികെട്ട കളി കോണ്ഗ്രസിന് ഭൂഷണമല്ല.
സ്വര്ണക്കടത്ത് കേസ് പ്രതികളെ വന്പ്രതിഫലംനല്കി സ്വന്തം സ്ഥാപനത്തില് കുടിയിരുത്തിയ സംഘപരിവാറാണ് പ്രതിഷേധവുമായി ഇറങ്ങുന്നതെന്നും ജയരാജന് പറഞ്ഞു.