കേരളത്തിലെ എല്‍ഡിഎഫ്‌ സര്‍ക്കാരിനെതിരെ നടക്കുന്നതും കേന്ദ്ര ഏജന്‍സികളുടെ വേട്ടയാടലെന്ന്‌ പരസ്യമായി സമ്മതിച്ച്‌ കോണ്ഗ്രസ്.
എഐസിസിയുടെ വേരിഫൈഡ്‌ പേജിലാണ്‌ ദ്‌ ടെലഗ്രാഫ്‌ പത്രത്തില്‍ വന്ന വാര്‍ത്ത പങ്കുവെച്ച്‌ നിലപാട് വ്യക്തമാക്കിയത്‌. അതേസമയം ദേശീയ നേതൃത്വത്തിന്റെ നിലപാട് സംസ്ഥാന കോണ്‍ഗ്രസിനെ നേതൃത്വത്തെ വെട്ടിലാക്കിയിരിക്കുകയാണ്.
കേരളത്തില്‍ നടക്കുന്നത് കേന്ദ്രന്വേഷണ ഏജന്‍സികളുടെ വേട്ടയാടലുകള്‍ എന്ന് വെളിപ്പെടുത്തിയിരിക്കുകയാണ് കോണ്ഗ്രസ് നേതൃത്വം. ദ്‌ ടെലഗ്രാഫ്‌ പത്രത്തില്‍ വന്ന വാര്‍ത്ത എഐസിസിയുടെ വെരിഫൈഡ് പേജില്‍ പങ്കുവെച്ചാണ് കേരളത്തിലും നടക്കുന്നത് അന്വേഷണ ഏജന്‍സികളെ ഉപയോഗിച്ചുകൊണ്ടുള്ള വേട്ടയാളുകള്‍ തന്നെയാണെന്ന് കോണ്ഗ്രസ് ദേശീയ നേതൃത്വം സമ്മതിക്കുന്നത്.
എന്നാല്‍ സംസ്ഥാനത്തെ കോണ്ഗ്രസ് നേതൃത്വത്തിന്‌ ദേശീയ നേതൃത്വത്തിന്റെ നിലപാട് വലിയ തിരിച്ചടിയാണ്‌. കേരളത്തിലെ എല്‍എഡിഎഫ്‌ സര്‍ക്കാരിനെ അസ്ഥിരപ്പെടുത്താന്‍ ബിജെപിക്കൊപ്പം ഗൂഢാലോചനയില്‍ ഒളിഞ്ഞും തെളിഞ്ഞും പങ്കെടുക്കുകയും സ്വര്‍ണ്ണക്കള്ളടത്തിലും, കിഫ്‌ബിയിലും ഇഡിയും മറ്റ്‌ കേന്ദ്ര ഏജന്‍സികളും നടത്തുന്ന അന്വേഷണത്തെ പിന്തുണയ്‌ക്കുന്ന വിഡി സതീശനും കെ സുധാകരനുമടങ്ങുന്ന സംസ്ഥാന നേതൃത്വം ഇതൊടെ പൂര്‍ണമായും ഒറ്റപ്പെട്ട അവസ്ഥയിലാണ്.
പ്രതിപക്ഷ പാര്‍ട്ടികള്‍ ഭരിക്കുന്ന സംസ്ഥാനങ്ങളിലെല്ലാം കേന്ദ്ര ഏജന്‍സികളെ ഉപയോഗിച്ച്‌ ബിജെപി രാഷ്‌ട്രീയ പ്രതികാരം തീര്‍ക്കുകയാണെന്നും പേജില്‍ വ്യക്തമാക്കുന്നുണ്ട്.
അതേസമയം, കേരളത്തിന്‌ പുറമേ പഞ്ചാബ്‌ ,ഡല്‍ഹി ബീഹാര്‍, ബംഗാള്‍ ,ചത്തീഗ്‌ഗഡ്‌, രാജസ്ഥാന്‍, ജാര്‍ഖണ്ഡ്‌ സംസ്ഥാനങ്ങളിലും മഹാരാഷ്‌ട്രയില്‍ ശിവസേനയ്‌ക്കെതിരെയും കേന്ദ്ര ഏജന്‍സികള്‍ നടത്തുന്ന നീക്കങ്ങളെയും കോണ്ഗ്രസ് ശക്തമായി അപലപിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്‌ആപ്ഗ്രൂപ്പിലും ലഭ്യമാണ്. വാട്‌സ്‌ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
