ഒറ്റപ്പാലം: കേരളത്തിലെ മികച്ച പൊലീസ് സ്റ്റേഷനായി ഒറ്റപ്പാലം സ്റ്റേഷന് തിരഞ്ഞെടുക്കപ്പെട്ടു.
2021-ലെ പ്രവര്ത്തനങ്ങളുടെ അടിസ്ഥാനത്തിലാണ് ഒറ്റപ്പാലം സ്റ്റേഷന് കേന്ദ്ര ആഭ്യന്തരമന്ത്രാലയത്തിന്റെ പുരസ്കാരം ലഭിച്ചത്.
മികച്ച ക്രമസമാധാനപാലനം, അന്വേഷണമികവ്, കേസുകള് തീര്പ്പാക്കുന്നതിലുള്ള മികവ്, ജനക്ഷേമപ്രവര്ത്തനങ്ങള്, സ്ത്രീകള്ക്കെതിരായ കുറ്റകൃത്യങ്ങള് പരിഹരിക്കല് എന്നിവ പരിഗണിച്ചാണ് പുരസ്കാരം. പുരസ്കാരവിവരം അറിയിച്ചുകൊണ്ടുള്ള സംസ്ഥാന പൊലീസ് മേധാവിയുടെ കത്ത് പാലക്കാട് ജില്ലാ പൊലീസ് മേധാവി ആര്. വിശ്വനാഥിന് ലഭിച്ചു. പുരസ്കാരം വെള്ളിയാഴ്ച 10.30-ന് സംസ്ഥാന പൊലീസ് ആസ്ഥാനത്തെ ചടങ്ങില് വിതരണം ചെയ്യും. 2021-ല് സ്റ്റേഷന് ഹൗസ് ഓഫീസറായിരുന്ന ഉദ്യോഗസ്ഥനാണ് പുരസ്കാരം ഏറ്റുവാങ്ങുക.
പാലക്കാട് ജില്ലയില്ത്തന്നെ കൂടുതല് കേസുകള് രജിസ്റ്റര് ചെയ്യപ്പെടുന്ന സ്റ്റേഷനാണ് ഒറ്റപ്പാലം. ജില്ലയില് ഏറ്റവും വലിയ അധികാരപരിധിയുള്ള സ്റ്റേഷനുമാണ്. നേരത്തെ വനിതാ-ശിശു സൗഹൃദ പൊലീസ് സ്റ്റേഷനായും ഒറ്റപ്പാലം സ്റ്റേഷനെ പ്രഖ്യാപിച്ചിരുന്നു. വി. ബാബുരാജനാണ് നിലവില് പൊലീസ് ഇന്സ്പെക്ടര്. പി. ശിവശങ്കരനാണ് സബ് ഇന്സ്പെക്ടര്.