ന്യൂഡല്‍ഹി: ജനുവരി 8ന് ന്യൂഡല്‍ഹി വിഗ്യാൻ ഭവനില്‍ നടക്കുന്ന പ്രാഥമിക കാര്‍ഷിക വായ്പാ സംഘങ്ങളുടെ മെഗാകോണ്‍ക്ലേവില്‍ അമിത് ഷാ അദ്ധ്യക്ഷനാകും.
നാഷണല്‍ ഡെവലപ്മെന്റ് കോര്‍പ്പറേഷനുമായി സഹകരിച്ച്‌ സഹകരണ മന്ത്രാലയമാണ് പരിപാടി സംഘടിപ്പിക്കുന്നത്. കൂടുതല്‍ പ്രാഥമിക വായ്പാ സംഘങ്ങള്‍ക്ക് ജൻ ഔഷധി കേന്ദ്രങ്ങള്‍ ആരംഭിക്കാനുള്ള അനുമതി നല്‍കുന്നതിന്റെ ഭാഗമായാണ് കോണ്‍ക്ലേവ് സംഘടിപ്പിക്കുന്നത്.
നാഷണല്‍ ഡെവലപ്മെന്റ് കോര്‍പ്പറേഷൻ സഹകരണമന്ത്രാലയവുമായി ചേര്‍ന്ന് നടത്തുന്ന പരിപാടിയില്‍ സഹകരണ മന്ത്രാലയത്തില്‍ നിന്നുള്ള വിവിധ ഉദ്യോഗസ്ഥരും സഹകരണ സംഘങ്ങളുടെ രജിസ്ട്രാര്‍മാരും പങ്കെടുക്കും.
ഇതുവരെ 4400 അപേക്ഷകളാണ് ലഭിച്ചത്. ഇതില്‍ 2300 സഹകരണ സംഘങ്ങള്‍ക്ക് അനുമതി ലഭിക്കുകയും ചെയ്തു.നിലവില്‍ 149 ജൻഔഷധി കേന്ദ്രങ്ങള്‍ പ്രാഥമിക കാര്‍ഷിക വായ്പാ സംഘങ്ങളുടെ കീഴില്‍ പ്രവര്‍ത്തിക്കുന്നുണ്ട്. ജനറിക് മരുന്നുകള്‍ 50 മുതല്‍ 90 ശതമാനം വരെ വിലക്കിഴിവിലാണ് ജൻഔഷധി കേന്ദ്രങ്ങള്‍ വില്‍ക്കുന്നത്. 2000 ത്തിലധികം ജനറിക് മരുന്നുകളും 300 ലധികം സര്‍ജിക്കല്‍ ഉപകരണങ്ങളും ജൻഔഷധി കേന്ദ്രങ്ങളിലൂടെ ലഭ്യമാകും.
