കാസര്‍ഗോഡ്: മജലില്‍ നിന്നും ഉണക്കിയ പോത്തിന്‍ കുടല്‍ മറിച്ചുവിറ്റ് കടന്നുകളഞ്ഞ അസം സ്വദേശി അറസ്റ്റില്‍.
വയനാട് സ്വദേശി അസീസിന്റെ ഉടമസ്ഥതയില്‍ പോത്തിന്‍ കുടല്‍ സംസ്കരിച്ച്‌ വിദേശത്തേക്ക് അയക്കുന്ന സ്ഥാപനത്തില്‍ നിന്നുമാണ് 15 ലക്ഷത്തോളം രൂപയുടെ ഉത്പന്നം തമിഴ്നാട് സ്വദേശികള്ക്ക് മറിച്ചുവിറ്റ് അസമിലേക്ക് രക്ഷപ്പെട്ട പ്രതി ഷെഫീക്കുല്‍ എന്ന സുഫൈജുല്‍ ഇസ്‍ലാമിനെയാണ് കാസര്‍ഗോഡ് ടൗണ്‍ പോലീസ് അസമില്‍ നിന്നും അറസ്റ്റ് ചെയ്തത്.
ബംഗ്ലാദേശ് അതിര്‍ത്തിയായ ദൂബ്രി ജില്ലയിലെ ചാപ്പാര്‍ പോലീസ് സ്റ്റേഷന്‍ പരിധിയില്‍, ചാഗല്‍കുട്ടി വനാതിര്‍ത്തിയിലെ ഗ്രാമത്തില്‍ നിന്നും പോലീസിന്റെയും കേന്ദ്രസേനാംഗവും ചെറുവത്തൂര്‍ കാരിയില്‍ സ്വദേശിയുമായ രാജീവന്റെയും സഹായത്തോടെയാണ് പ്രതിയെ പിടികൂടിയത്.
മജലിലെ സ്ഥാപനത്തില്‍ കുടല്‍ സംസ്കരണ തൊഴിലാളിയായിരുന്നു പ്രതി. കൂടുതല്‍ ലാഭം തമിഴ്നാട് സ്വദേശികള്ക്ക് വില്‍ക്കുന്നതാണെന്ന് തൊഴിലുടമയെ ബോധ്യപ്പെടുത്തിയ പ്രതി 15 ലക്ഷം രൂപക്ക് മറിച്ചുവില്‍ക്കുകയും തുടര്‍ന്ന് അസമിലേക്ക് മുങ്ങുകയുമായിരുന്നുവെന്ന് എസ്.ഐ മധുസൂദനന്‍ പറഞ്ഞു.
