തിരുവനന്തപുരം: കാലവര്‍ഷക്കെടുതിയില്‍ മൃഗസംരക്ഷണ ക്ഷീര വികസന മേഖലയിലെ കര്‍ഷകരുടെ നാശനഷ്ടങ്ങള്‍ക്കാവശ്യമായ സഹായങ്ങള്‍ ചെയ്യാനുള്ള നടപടികള്‍ സ്വീകരിച്ചതായി മൃഗസംരക്ഷണ ക്ഷീര വികസന മന്ത്രി ജെ. ചിഞ്ചുറാണി. കാലവര്‍ഷം ശക്തമായ സാഹചര്യത്തില്‍ എല്ലാ ജില്ലകളിലും ചീഫ് വെറ്ററിനറി ഓഫീസര്‍മാരുടെ നേതൃത്വത്തില്‍ കണ്‍ട്രോള്‍ റൂമുകളും, താലൂക്ക് തലത്തില്‍ ദ്രുത കര്‍മ്മ സേന പ്രവര്‍ത്തനമാരംഭിക്കുകയും ചെയ്തിരുന്നു.
പ്രകൃതിക്ഷോഭ സാധ്യതയുള്ള പ്രദേശങ്ങള്‍ കണ്ടെത്തി സുരക്ഷിതസ്ഥാനങ്ങളിലേക്ക് മൃഗങ്ങളെ മാറ്റിപ്പാര്‍പ്പിച്ചിട്ടുണ്ട്. സംസ്ഥാനത്താകെ 40 മൃഗസംരക്ഷണ ക്യാമ്പുകളിലായി 574 മൃഗങ്ങളെ മാറ്റിപ്പാര്‍പ്പിച്ചിട്ടുണ്ട്. ഇവയ്ക്ക് ആവശ്യമായ ചികിത്സ, തീറ്റ എന്നിവയും നല്‍കിവരുന്നു. ഇതിനോടകം 42.85 ലക്ഷം രൂപയുടെ നഷ്ടമുണ്ടായതായി കണക്കാക്കുന്നു. കര്‍ഷകര്‍ക്കുണ്ടള്ള നഷ്ടപരിഹാരത്തുക ഉടന്‍ ലഭ്യമാക്കുവാന്‍ ദുരന്ത നിവാരണ വകുപ്പിലേക്ക് പ്രൊപ്പോസല്‍ സമര്‍പ്പിച്ചതായും മന്ത്രി അറിയിച്ചു.
